Невядомы малюнак да Вінчы выпадкова знойдзены ў Францыі

© Photo : сайт TajanМалюнак Леанарда да Вінчы "Святы Себасцьян"
Малюнак Леанарда да Вінчы Святы Себасцьян - Sputnik Беларусь
Падпісацца
Французскі пенсіянер прынёс у адзін з аўкцыённых дамоў сямейны архіў малюнкаў, сярод якіх апынуўся і эскіз вядомага фларэнтыйца.

МІНСК, 15 сне — Sputnik. Малюнак Леанарда да Вінчы коштам у 15 мільёнаў еўра быў выпадкова знойдзены ў Парыжы. У аўкцыённы дом Tajan прыйшоў пенсіянер з тэчкай малюнкаў, якія дасталіся яму ў спадчыну ад бацькі-бібліяфіла. Сярод іншых малюнкаў, пра каштоўнасць якіх не паведамляецца, быў адзін, які здаваўся найбольш старым. На ім быў намаляваны Святой Себасцьян, прывязаны да дрэва.

Незалежны эксперт па работах старых майстроў вызначыў, што малюнак датуецца XV стагоддзем і зроблены леварукага чалавекам. Пасля дадатковай экспертызы ў Нью-Ёрку, калі куратар італьянскай калекцыі музея Метрапалітэн Кармэн Бэмбах пацвердзіла здагадку аб тым, што гэта праца Леанарда да Вінчы, гэта стала сапраўднай сенсацыяй, паведамляюць французскія СМІ.

Зараз малюнак, зроблены тушшу, ацэньваюць у 15 мільёнаў еўра. Яго ўладальнік — былы доктар, пажадаў застацца невядомым, але выказаў жаданне прадаць малюнак. Мяркуецца, што яго выкупіць нейкі з французскіх музеяў.

Леанарда да Вінчы — мастак і навуковец эпохі Адраджэння сёння лічыцца адным з самых дарагіх аўтараў у свеце. Кошт яго малюнкаў да выяўлення "Себасцьяна" даходзіў да 11 мільёнаў еўра, а ў 2013 годзе карціна Леанарда "Хрыстос" была прададзеная 127 мiльёнаў долараў.

Стужка навiн
0