МІНСК, 12 сту — Sputnik. Тыдзень кітайскага кіно пройдзе ў кінатэатры "Цэнтральны" з 16 па 21 студзеня. Усе фільмы можна будзе паглядзець бясплатна, праўда, большасць будуць паказваць з англійскімі субтытрамі. Затое жанры розныя — ад фэнтэзі да драмы, баявіка і любоўнай гісторыі. Ах, кітайскі тэмперамент!
Бясплатныя квіткі можна атрымаць у касе кінатэатра за гадзіну да пачатку сеанса.
"Вярнуцца ў 20"
Што: камедыйная меладрама, рэжысёр Чэнь Чжэндао, 2015 год.
Калі: 16 студзеня ў 18:30 і 21 студзеня ў 16:30
Шэнь Мэнцзюнь — 70-гадовая ўдава з норавам. Яе сям'я вырашае адправіць жанчыну ў дом састарэлых. Адчуваючы сябе няшчаснай і нікому не патрэбнай, Мэнцзюнь вырашае зрабіць сабе апошнюю фатаграфію. Выйшаўшы з фотастудыі і ўбачыўшы свой фотаздымак, яна разумее, што зноў маладая і прыгожая. Ёй зноў 20 гадоў!
"Тыгр які крадзецца, цмок, што затаіўся: Меч лёсу"
Што: фэнтэзі, рэжысёр Юань Хэпин, 2016 год.
Калі: 17 января ў 18:30.
Гісторыя пра страчанае каханне, легендарны меч і адзіны шанец на выратаванне. Некаторыя гледачы характарызуюць карціну як сутыкненне ўсходніх штампаў з заходнімі. Гэта другая частка папулярнай стужкі, якая выйшла на экраны яшчэ ў 2000 годзе.
"Месца, вядомае толькі нам"
Што: меладрама, рэжысёр Сю Цзынлэй, 2015 год.
Калі: 18 студзеня ў 18:30.
Пісьменніца Цзынь Цянь перажывала самы цяжкі перыяд у жыцці. Жаніх кінуў яе перад вяселлем, і любімая бабуля пайшла з жыцця. Цзынь едзе ў Прагу, дзе бабуля пражыла большую частку свайго жыцця. У гэтым неверагодным горадзе яна сустракае Пэн Цзэяна. Тым часам загадкавая гісторыя кахання, якую бабуля хавала доўгія гады, пачынае раскрывацца.
"Русалка"
Што: камедыя, рэжысёр Стывен Чоў, 2016 год.
Калі: 20 студзеня ў 18:30.
Русалачка, якую клічуць Шэн, адпраўляецца на місію для спакушэння і забойства прамыслоўца Лю Сюаня, які забруджвае акіяны, забіваючы ў іх жыццё.
Тыдзень кітайскага кіно арганізаваны Рэспубліканскім інстытутам кітаязнаўства імя Канфуцыя БДУ да 25-годдзя ўстанаўлення дыпламатычных адносін.
