МІНСК, 1 лют — Sputnik. Літоўскі калекцыянер беларускага паходжання, ганаровы мецэнат Андрэй Балыка паднёс падарунак гістарычнаму комплексу. Інтэр'еры Мірскага замка цяпер упрыгожыць мэбля ХІХ стагоддзя, пра гэта паведамілі ў эфіры "Беларусь 1".
Спачатку гарнітур рарытэтнай мэблі знаходзіўся ў беларускай амбасадзе ў Літве, а потым было прынята агульнае рашэнне прывезці яго ў адну з рэзідэнцый Радзівілаў — у Мірскі замак.
Французскі гарнітур з двух крэслаў і канапы трапіў у палац ужо адрэстаўраваны і цяпер толькі чакае сваё новае месца ў экспазіцыі замку.
Зараз гісторыка-навуковы аддзел музея дасканала будзе даследаваць паходжанне экспанатаў і гістарычную каштоўнасць, каб потым даць апісанне ў каталогу музея.
Гэта не першы падарунак, які Андрэй Балыка перадаў музею. Так у 2014 годзе залу палявання Мірскага палаца ўпрыгожыла рарытэтная мэбля ХІХ стагоддзя з аўтэнтычным габеленам. Тады літоўскі бізнэсмэн і калекцыянер атрымаў званне Ганаровага мецэната ад Міністэрства культуры Беларусі.
У яго калекцыях — старажытны жывапіс, фарфор, найкаштоўнейшыя іконы, якія ён плануе прывезці на экспазіцыю ў Беларусь.
