03:12 20 красавіка 2021
«Радыё Sputnik»
  • USD2.60
  • EUR3.11
  • 100 RUB3.41
Культура
Атрымаць кароткую спасылку
4510

Прадстаўніка краіны выбралі пры дапамозе галасавання тэлегледачоў і прафесійнага журы.

МІНСК, 26 жні — Sputnik. Беларусь на дзіцячым конкурсе песні "Еўрабачанне-2017" у лістападзе прадставіць Хелена Мерааі з песняй "Я самая", паведамляе Sputnik.

Дзіцячае "Еўрабачанне" пройдзе ў сталіцы Грузіі Тбілісі 26 лістапада гэтага года. За перамогу ў конкурсе будуць змагацца юныя артысты з паўтара дзясяткаў краін Еўропы, у тым ліку і Беларусі.

Победительница Национального отбора на детское Евровидение Хелена Мерааи
© Sputnik / Виктор Толочко
Пераможца Нацыянальнага адбору на дзіцячае "Еўрабачанне" Хелена Мерааі

Фінал нацыянальнага адбору на конкурс адбыўся ўвечары 25 жніўня ў Белтэлерадыёкампаніі. За права прадстаўляць рэспубліку на прэстыжным дзіцячым конкурсе змагаліся дзесяць юных дараванняў і гуртоў, а пераможцу вызначалі пры дапамозе галасавання членаў прафесійнага журы і тэлегледачоў.

Па выніках падсумоўвання балаў перамогу ў нацыянальным адборы атрымала Хелена Мерааі. І тэлегледачы, і члены журы прысудзілі маладой спявачцы першае месца пасля яе выступу ў фінальным шоў.

Представитель Беларуси на Евровидении-2016 Александр Миненок поздравляет свою преемницу
© Sputnik / Виктор Толочко
Прадстаўнік Беларусі на "Еўрабачанні-2016" Аляксандр Мінёнак віншуе сваю пераемніцу

 

Хелена Мерааі ўжо вядомая аматарам тэлевізійных конкурсаў: у мінулым годзе яна была ўдзельніцай шоў "Голас. Дзеці" на расійскім "Першым канале".

Беларусь удзельнічае ў міжнародным Дзіцячым конкурсе песні "Еўрабачанне" з моманту яго заснавання — з 2003 года. Менавіта дзіцячы конкурс — найбольш паспяховы для Беларусі: нашы юныя артысты двойчы станавіліся пераможцамі конкурсу дзякуючы Ксеніі Сітнік і Аляксею Жыгалковічу.

Тэги:
детское Евровидение, Хелена Мерааі, Тбілісі, Грузія, Беларусь, Мінск

Галоўныя тэмы