18:37 21 кастрычніка 2017
«Радыё Sputnik»
Кніжны кірмаш ва Франкфурце

Мінінфарм: калі вас няма ва Франкфурце, то нідзе няма

© REUTERS/ RALPH ORLOWSKI
Культура
Атрымаць кароткую спасылку
4 0 0

Летась кнігай "Чаму вожык не стрыжэцца" беларускага выдавецтва зацікавіліся кітайцы.

МІНСК, 11 кас - Sputnik. Беларусь прадставіла свой стэнд на Франкфурцкім кніжным кірмашы выдавецтвамі "Народная асвета", "Адукацыя і выхаванне", "Пачатковая школа".

На найбуйнейшым у свеце кірмашы прадстаўлена і ААТ "Белкніга", і "Паліграфкамбінат ім. Якуба Коласа", госці могуць азнаёміцца і з падборкай кніг ад іншых дзяржаўных выдавецтваў Беларусі. У асноўным гэта энцыклапедыі і кнігі аб Беларусі, анталогіі беларускіх класікаў. Трапілі ў падборку і выданні некаторых маладых аўтараў, але самі яны кірмаш не наведалі.

"Пісьменнікаў складана адправіць ва Франкфурт, гэта дорага каштуе, а мы імкнемся разлічваць сілы, каб паўдзельнічаць і ў іншых кірмашах. Але калі вас няма ў Франкфурце, то вас няма нідзе", - распавяла начальнік упраўлення выдавецкай і паліграфічнай дзейнасці Алена Паўлава.

Сёння Прэзідэнт Францыі Эмануэль Макрон і канцлер ФРГ Ангела Меркель адкрылі Франкфурцкі кніжны кірмаш. З 1976 года арганізатары кірмашу выбіраюць ганаровага сябра - краіну, чыёй літаратуры будзе нададзена асаблівая ўвага. Сёлета ганаровым сябрам стала Францыя. У наступным годзе гэтая гонар будзе перададзены Грузіі.

 

Акрамя іміджавай функцыі кірмаш можа стаць і спосабам павялічыць даходы выдавецтва, калі атрымаецца дамовіцца з замежнымі калегамі. У Мінінфарме распавялі, што летась кітайскае выдавецтва зацікавілася беларускай кнігай "Чаму вожык не стрыжэцца" - выдаць яе на кітайскім рынку даволі лёгка. Трэба толькі замяніць беларускі тэкст кітайскімі іерогліфамі.

"Але праблема часам бывае ў цане - кожны хоча купіць правы танней", - распавяла Паўлава карэспандэнту Sputnik.

Франкфурцкі кніжны кірмаш праходзіць рэгулярна з 1574 года. Франкфурт размешчаны ў сарака кіламетрах ад Майнца, дзе ў 1458 годзе адкрыў друкарню Ёган Гутэнберг, менавіта таму там у 1473 годзе ўпершыню і прайшоў кніжны кірмаш.      

Тэги:
Літаратура, Германія
Правілы карыстанняКаментары

Галоўныя тэмы