Культурнай сталіцай Беларусі ў наступным годзе стане Наваполацк

© SputnikНовы мікрараён Наваполацка
Новы мікрараён Наваполацка - Sputnik Беларусь
Падпісацца
У рэспубліканскім конкурсе "Горад культуры ў Год культуры" па выніках 2016 года Наваполацк стаў пераможцам у намінацыі "Лепшы горад абласнога падпарадкавання".

МІНСК, 21 ліс — Sputnik. Горад Наваполацк Віцебскай вобласці прыме эстафету культурнай сталіцы Беларусі ў 2018 годзе, паведамілі ў Міністэрстве культуры.

Сёння Наваполацк — адзін з найбуйнейшых у Беларусі і краінах СНД цэнтраў нафтахімічнай прамысловасці, а таксама адзін з найбуйнейшых індустрыяльных, навукова-адукацыйных цэнтраў Беларусі.

У Наваполацку пражываюць 108,2 тысячы чалавек, з іх больш за 27 тысяч — моладзь. Сістэму вышэйшай адукацыі прадстаўляе Полацкі дзяржаўны ўніверсітэт, у якім навучаюцца больш за 14 тысяч студэнтаў.

Ратуша Магілёва - Sputnik Беларусь
Жоўта-блактіны герб і сцяг Магілёўскага раёна зацверджаны

Датай заснавання Наваполацка лічыцца 7 чэрвеня 1958 года. Пачаткам гісторыі горада паслужыла прыняцце ўрадам СССР рашэння аб арганізацыі ўсесаюзнай ударнай камсамольскай будоўлі па ўзвядзенню найбуйнейшага ў Еўропе прамысловага комплексу — нафтаперапрацоўчага завода. Сваё імя горад атрымаў 14 снежня 1963 года, калі першапачаткова рабочы пасёлак Полацкі быў перайменаваны ў Наваполацк і атрымаў статус горада абласнога падпарадкавання.

У рэспубліканскім конкурсе "Горад культуры ў Год культуры" па выніках 2016 года Наваполацк стаў пераможцам у намінацыі "Лепшы горад абласнога падпарадкавання". Рэспубліканская акцыя "Культурная сталіца Беларусі" праводзіцца ў дзевяты раз.

Статус культурнай сталіцы раней атрымлівалі Полацк (2010 год), Гомель (2011 год), Нясвіж (2012 год), Магілёў (2013 год), Гродна (2014 год), Брэст (2015 год), Маладзечна (2016 год), Бабруйск (2017 год). Два гарады — Гомель і Магілёў — адначасова мелі статус "Культурная сталіца СНД".

Стужка навiн
0