МІНСК, 18 сне — Sputnik. Восьмы эпізод кінафраншызы "Зорныя войны: Апошнія джэдаі" па выніках першых чатырох дзён паказу сабраў 450 мільёнаў долараў ЗША.
Гэта самы паспяховы старт у 2017 годзе. Акрамя таго, пракат кінастужкі яшчэ не пачаўся ў Кітаі — там новая серыя сагі выйдзе на вялікія экраны толькі 5 студзеня 2018 года.
У сусветным пракаце новыя "Зорныя войны" з 15 па 17 снежня сабралі 230 мільёнаў долараў, у Амерыцы стужка зарабіла за чатыры дні 220 мільёнаў долараў ЗША.
Больш за ўсё працяг карціны сабраў у Вялікабрытаніі — $36,7 мільёна, у Расіі фільм атрымаў $8,5 мільёнаў.
Нагадаем, у 2016 годзе ў пракаце з'явіўся спін-оф "Ізгой-адзін: Зорныя войны. Гісторыі", тады стужка за чатыры дні пракату зарабіла 290,5 мільёнаў долараў.
Крытыкі на партале Rotten Tomatoes прысвоілі фільму рэйтынг 93% — для сусветных блокбастараў гэта высокі паказчык.
Карыстальнікі сацсетак таксама пакідаюць ухвальныя водгукі аб працягу карціны.
Вы арестованы за кражу моего сердечка 😍#ЗвездныеВойны#StarWars pic.twitter.com/9a1ngyYnoo
— Хуснетдиныч (@Maybe_Pepsi) 14 декабря 2017 г.
У 2012 годзе кампанія Disney купіла франшызу ў Джорджа Лукаса, набыццё абыйшлося ім у 4 мільярды долараў.
Рэцэнзію на новы эпізод "Зорных войнаў" можна праглядзець тут >>
