00:22 20 студзеня 2018
«Радыё Sputnik»
Мемарыяльная дошка на доме, дзе жыў Рыгор Барадулін

У Мінску адкрылі памятную дошку на доме, дзе жыў Рыгор Барадулін

© Sputnik / Виктор Толочко
Культура
Атрымаць кароткую спасылку
6560

Бронзавую дошку ў гонар народнага паэта адкрылі ў Мінску па адрасе Мележа, 4, дзе больш за 30 гадоў жыў і ствараў "дзядзька Рыгор".

МІНСК, 24 сне — Sputnik. Бронзавую дошку вагой 114 кг у гонар Рыгора Барадуліна адкрылі ў Мінску на доме, дзе жыў народны паэт Беларусі апошнія 34 гады, перадае Sputnik.

"На памятную дошку грошы ахвяравалі 145 чалавек. Гэта вельмі важны момант, бо мы заўсёды кажам: чаму не шануюць? Людзія, якія любяць Рыгора Барадуліна сабраліся і зрабілі гэтую дошку", — распавёў грамадзянскі актывіст Глеб Лабадзенка.

Ініцыятар усталявання мемарыяльнай дошкі Глеб Лабадзенка
© Sputnik / Виктор Толочко
Ініцыятар усталявання мемарыяльнай дошкі Глеб Лабадзенка

Мемарыяльную дошку адкрылі ў Мінску роўна праз два гады пасля адкрыцця помніка паэту на яго магіле ва Ушачах. Аўтарам бронзавай дошкі стаў скульптар Ігар Засімовіч, які стварыў раней і помнік народнаму паэту.

Глеб Лабадзенка сказаў, што "гэта не толькі помнік Рыгору Барадуліну, гэта помнік нашай годнасці. Вялікая тая нацыя, якая шануе сваіх герояў і вялікая тая нацыя, якая аддзячвае ім пасля смерці".

Валянціна Барадуліна таксама прысутнічала на адкрыцці помніка
© Sputnik / Виктор Толочко
Валянціна Барадуліна таксама прысутнічала на адкрыцці помніка

У сваю чаргу, Валянціна Барадуліна, удава паэта, сказала словы ўдзячнасці ўсім прысутным і тым, хто спрычыніўся да стварэння дошкі.

Скульптар Ігар Засімовіч прызнаўся, што "працаваць было і цяжка і лёгка. Цяжка таму, што адказнасць вялікая, а лёгка, таму што ўсё атрымлівалася".

Ігар Засімовіч стварыў і помнік народнаму паэту, які ўсталяваны на яго магіле
© Sputnik / Виктор Толочко
Ігар Засімовіч стварыў і помнік народнаму паэту, які ўсталяваны на яго магіле

Па словах арганізатараў, вялікую дапамогу ва ўсялякіх узгадненнях з уладамі па пытаннях усталявання мемарыяльнай дошкі аказаў старшыня "Беларускага саюза мастакоў" Рыгор Сітніца.

Рыгор Сітніца сказаў, што наступным будзе помнік Васілю Быкаву
© Sputnik / Виктор Толочко
Рыгор Сітніца сказаў, што наступным будзе помнік Васілю Быкаву

"Гэта толькі пачатак, колькі б мы не зрабілі, мы не ўшануем тую веліч, якую ўвасабляе Рыгор Барадулін. Гэта нацыянальны геній і абсалютна геніяльны паэт. Гэта практычна першы яму помнік, наступным я абсалютна ўпэўнены мы зробім Васілю Быкаву. Усе пытанні вырашаюцца, калі ёсць добрая воля людзей", — падзяліўся планамі старшыня творчага аб'яднання.

Уладзімір Някляеў таксама ўшанаваў памяць свайго сябра Рыгора Барадуліна
© Sputnik / Виктор Толочко
Уладзімір Някляеў таксама ўшанаваў памяць свайго сябра Рыгора Барадуліна

Беларускі паэт Уладзімір Някляеў адзначыў, што "у Рыгора Барадуліна апроч паэзіі быў дар моватворцы. Гэта яму даў бог, як ніводнаму іншаму беларускаму паэту. Калі некалі выйдзе слоўнік "барадулінскі", то ўсе ўбачаць, якую тытанічную працу зрабіў гэты чалавек".

По теме

Верталёты МНС паставілі на магіле Рыгора Барадуліна помнік-валун
Тэги:
помнік, Жыццё знакамітых людзей, Глеб Лабадзенка, Рыгор Сітніца, Уладзімір Някляеў, Рыгор Барадулін, Мінск, Беларусь
Правілы карыстанняКаментары

Галоўныя тэмы