На беларускім тэлебачанні пройдзе дзень памяці Уладзіміра Мулявіна

© Sputnik / Виктор ТолочкоУладзімір Мулявін - фота з кнігі "Недагаворанае" Марыны Мулявінай і Вольгі Брылон
Уладзімір Мулявін - фота з кнігі Недагаворанае Марыны Мулявінай і Вольгі Брылон - Sputnik Беларусь
Падпісацца
У эфіры тэлеканала "Беларусь 3" пакажуць прэм'еру дакументальнага фільма пра знакамітага песняра.

МІНСК, 12 сту — Sputnik. 26 студзеня ў эфіры сацыякультурнага канала "Беларусь 3" пройдзе дзень памяці Уладзіміра Мулявіна, паведамілі Sputnik у прэс-службе Белтэлерадыёкампаніі.

Відэафакт: як адкрывалі помнік Мулявіну ў Мінску - Sputnik Беларусь
Відэа
Відэафакт: як адкрывалі помнік Мулявіну ў Мінску

У дзень памяці стваральніка і лідара ВІА "Песняры" тэлегледачы змогуць убачыць прэм'еру дакументальнага фільма "Пясняр. Сэрцам і душой", канцэртную праграму "Вянок", а таксама спецыяльны выпуск аўтарскага праекта Уладзіміра Арлова "Люблю і памятаю".

Паўтор праектаў "Вянок" і "Пясняр. Сэрцам і душой" тэлегледачы змогуць убачыць увечары 27 студзеня ў 21:05 і ў 22:40 адпаведна.

Сёння, 12 студзеня, у дзень нараджэння артыста, на сцэне Белдзяржфілармоніі адбудзецца прэм'ера — будзе выкананы цыкл песен Уладзіміра Мулявіна на вершы Максіма Багдановіча "Вянок". У суправаджэнні аркестра праспяваюць вядомыя выканаўцы: Ян Жэнчак, Вячаслаў Ісачанка і Андрэй Коласаў.

Праграма "Вянок" была створаная Уладзімірам Георгіевічам да 100-годдзя беларускага паэта Максіма Багдановіча. Праз 26 гадоў пасля яе першага і апошняга выканання аркестр імя І. Жыновіча адрадзіў канцэртную праграму цалкам.

Стужка навiн
0