04:33 21 кастрычніка 2018
«Радыё Sputnik»
  • USD2.11
  • EUR2.42
  • 100 RUB3.21
Кот, архіўнае фота

Для маленькіх беларусаў: да выдання рыхтуецца кніга пра прыгоды ката Шпрота

© Pixabay
Культура
Атрымаць кароткую спасылку
6530

Кнігу напісала аўтарка перакладаў на беларускую мову гісторый пра Шэрлака Холмса.

МІНСК, 13 лют — Sputnik. Перакладчыца кніг для дзяцей і дарослых Ганна Якута напісала для маленькіх беларусаў новую кнігу, на гэты раз пра прыгоды цікаўнага ката Шпорта і яго сяброў. Зараз ідзе краудфандынгавая кампанія па збору сродкаў на яе выданне, паведамляецца на старонцы выдавецтва "Янушкевіч" у Фэйсбуку.

Ганну аматары беларускага слова ведаюць па перакладах гісторыі пра Шэрлака Холмса, зімовай казкі з прывідамі "Калядны харал" Дыкенса, кнігі жахаў "Замак Отранта" Уолпала і многіх іншых.

Кніга "Кот Шпрот і таямніца атракцыёнаў" распавядае пра мінскага ката Шпрота, які любіць уначы цішком збегчы з балкона і паблукаць па ваколіцах, знаёміцца з прывідамі, што жывуць пад вокнамі дома. Акрамя цікаўнай жывёлы ў кнізе ёсць яшчэ адзін герой — хлопчык Алесь, які разам са сваім пухнатым сябрам падарожнічае па Парку Чалюскінцаў.

Так выглядае адна са старонак кнігі пра прыгоды ката Шпрота
Так выглядае адна са старонак кнігі пра прыгоды ката Шпрота

Разам з кніжнымі персанажамі маленькія чытачы будуць блукаць па сучаснаму Мінску і яго вуліцах. Цікавая кніга яшчэ і тым, што малюнкі ілюстратаркі Лілі Давыдоўскай, якая зараз жыве і працуе ў Каіры, жывуць асобным жыццём: на ілюстрацыях персанажаў крыху больш, чым у тэксце.

Гісторыя пра таямніцу атракцыёнаў — гэта першая кніга з серыі пра прыгоды ката Шпрота. Яна разлічана на дзяцей 6-10 гадоў, але аўтары ўпэўненыя, што яна спадабаецца і дарослым.

Выхад кнігі запланаваны на чэрвень-ліпень 2018 года, а друкаваць яе будуць у Літве.

Тэги:
книга, кот, Ліля Давыдоўская, Ганна Якута, Беларусь
Правілы карыстанняКаментары

Галоўныя тэмы