Фіналісты праекта "Вялікая опера" праспяваюць на беларускай сцэне

© Sputnik / Виктор ТолочкоНацыянальны Акадэмічны Вялікі тэатр оперы і балета
Нацыянальны Акадэмічны Вялікі тэатр оперы і балета - Sputnik Беларусь
Падпісацца
На сцэне Вялікага тэатра з’явяцца і беларускія фіналісты конкурсу "Вялікая опера" мінулых гадоў.

МІНСК, 6 сак – Sputnik. Фіналісты расійскага праекта "Вялікая опера" выступяць разам з беларускімі зоркамі на святочным канцэрце, які адбудзецца 6 сакавіка, паведамілі Sputnik у Нацыянальным акадэмічным Вялікім тэатры оперы і балета Беларусі.

На канцэрце выступяць пераможца "Вялікай оперы" 2017 года Паліна Шамаева (Расія) і фіналісты з Беларусі Уладзімір Дзмітрук і Маргарыта Ляўчук. Акрамя таго, на сцэне Вялікага тэатра з’явяцца беларускія фіналісты конкурсу "Вялікая опера" мінулых гадоў Юрый Гарадзецкі і Ілля Сільчукоў.

Мімоза - Sputnik Беларусь
Канцэрт "Время и Стекло" і шмат кіно: куды схадзіць 8 сакавіка ў Мінску

Паліна Шамаева — мецца-сапрана, салістка Маскоўскага тэатра "Новая опера" імя А. В. Колабава і Вугорскага дзяржаўнага опернага тэатра. Спявачка выступае ў Расіі, Грэцыі, Японіі і Венгрыі, прымае ўдзел у міжнародных конкурсах і фестывалях. У рэпертуары Шамаевай партыі больш чым з 30 твораў кантатна-аратарыяльнага жанру.

Маргарыта Ляўчук — салістка Нацыянальнага акадэмічнага Вялікага тэатра оперы і балета Беларусі і Музычнага дома "Класіка". Выступае не толькі ў Беларусі, але ў Расіі, Аўстрыі, Германіі, Літве, Італіі, Польшчы і Грузіі. Прымае ўдзел у праектах з ансамблямі "Кантабіле", "Парціта", супрацоўнічае з Вялікім сімфанічным аркестрам Расіі імя Чайкоўскага, Дзяржаўным акадэмічным сімфанічным аркестрам Рэспублікі Беларусь і іншымі.

Уладзімір Дзмітрук — саліст опернай трупы Музычнага тэатра імя К. С. Станіслаўскага і У. І. Неміровіча-Данчанкі. Лаўрэат міжнародных вакальных конкурсаў Расіі, Латвіі, Італіі. Прымаў удзел у маладзёжнай опернай праграме оперы Лос-Анджэлеса (ЗША), з’яўляецца салістам маладзёжнай трупы тэатра "Ан-дэр-Він".

"Вялікая опера" — праект тэлеканала "Расія Культура". Ужо пяць гадоў ён застаецца аднім з самых рэйтынгавых тэлепраектаў у галіне культуры.

Стужка навiн
0