03:12 20 чэрвеня 2018
«Радыё Sputnik»
  • USD2.02
  • EUR2.33
  • 100 RUB3.14
Выстава Я Манэ Я Шышкін Я Малевіч

Завеі не палохалі: выстава "Я Манэ Я Шышкін Я Малевіч" стартавала ў Мінску

© Sputnik / Анастасия Волчок
Культура
Атрымаць кароткую спасылку
6430

На выставе прадстаўлены работы 323 мастакоў: карціны, фатаграфіі, скульптуры, габелены.

МІНСК, 7 сак — Sputnik. Выстава "Я Манэ Я Шышкін Я Малевіч", галоўнай умовай удзелу у якой было, каб карціна праходзіла ў дзверы, а дадатковай — сімвалічны ўнёсак за друк каталога, адкрылася ў Нацыянальным цэнтры сучасных мастацтваў.

У гэтым годзе, запэўнівае куратар выставы, мастацтвазнаўца Вольга Кліп, ажыятаж быў з першых гадзін прыёму работ: мастакоў не спынілі ні холад, ні завіруха, якая літаральна засыпала Мінск снегам.

На выставе прадстаўлены 323 работы, якія займаюць два паверхі
© Sputnik / Анастасия Волчок
На выставе прадстаўлены 323 работы, якія займаюць два паверхі

На выставе прадстаўлены работы 323 мастакоў — гэта ў два разы менш, чым у мінулым годзе, аднак гледачы, упэўненая куратар, нічога не страцілі: хутчэй за ўсё, адсеяліся тыя, хто несур'ёзна ставіцца да мастацтва і пашкадавалі грошай на каталог з уласнай працай.

На выставе прадстаўлены работы зусім юных мастакоў (графічны нацюрморт)
© Sputnik / Анастасия Волчок
На выставе прадстаўлены работы зусім юных мастакоў (графічны нацюрморт)

Хоць "пабалавацца", лічыць ольга Кліп, гэта таксама важны вопыт. Ці павысіўся ўзровень работ, яна пакуль не можа сказаць — яшчэ не бачыла ўсе працы, але запэўнівае, што ёсць вельмі добрыя і прафесійныя.

Наведвальнікі выставы з задавальненнем разглядаюць карціны
© Sputnik / Анастасия Волчок
Наведвальнікі выставы з задавальненнем разглядаюць карціны

На думку куратара, выстава "Я Манэ Я Шышкін Я Малевіч" — самая відовішчная ў Мінску.

"Ёсць пра што пагаварыць, што абмеркаваць, каго пахваліць, каго палаяць, без слоў адсюль не пойдзеш", — адзначыла яна.

На выставе прадстаўлены шырокі спектр работ: ад карцін зусім юных мастакоў да палотнаў знакамітых майстроў. Зоя Луцэвіч, якая ў гэтым годзе прымае ўдзел у выставе, прызнаецца, што спачатку баялася сваёй вялікай карцінай займаць прастору, таму што лічыць, што вельмі важна, каб у выставе паўдзельнічалі як мага больш маладых, невядомых мастакоў, аднак у рэшце рэшт пагадзілася прадставіць сваю працу.

Мастачка Зоя Луцэвіч
© Sputnik / Анастасия Волчок
Мастачка Зоя Луцэвіч

"Мне здаецца, што гэтая ідэя — выстаўляцца з вядомымі, знакамітымі ці проста прафесійнымі мастакамі вельмі важная", — адзначыла Зоя Луцэвіч і дадала, што яна падтрымлівае арганізатараў выставы і ў будучыні працягне прымаць у ёй удзел.

На адкрыццё выставы прыйшлі аўтары шматлікіх работ — зірнуць, як іх твор выглядае на сценах НЦСМ, пазнаёміцца ​​з іншымі ўдзельнікамі выставы і сустрэцца са старымі сябрамі, разам з якімі ўжо выстаўлялі карціны ў мінулым годзе.

Яркі гарадскі пейзаж злева - не карціна маслам, гэта бацік, роспіс па шоўку
Яркі гарадскі пейзаж злева - не карціна маслам, гэта бацік, роспіс па шоўкуЯркі гарадскі пейзаж злева - не карціна маслам, гэта бацік

Выстава займае два паверхі, і на ёй прадстаўлены не толькі карціны, але і скульпрута, габелены, фатаграфія.

Камарык, але не як у вершы Чукоўскага: на монацыкле
© Sputnik / Анастасия Волчок
Камарык, але не як у вершы Чукоўскага: на монацыкле

Выстава "Я Манэ Я шышкін Я Малевіч" будзе працаваць да 8 красавіка.

Тэги:
карціны, выстава, Сучаснае мастацтва, "Я Манэ Я Шышкін Я Малевіч" (выстава), НЦСМ, Зоя Луцэвіч, Вольга Кліп, Мінск, Беларусь
Правілы карыстанняКаментары

Галоўныя тэмы