Выпадкаў арт-вандалізму ў Нацыянальным мастацкім музеі РБ не было

© Sputnik / Виктор ТолочкоМастацкі музей Беларусі
Мастацкі музей Беларусі - Sputnik Беларусь
Падпісацца
У музеі заяўляюць, што ўзровень аховы экспанатаў адпавядае статусу музея, але ўсіх сакрэтаў не раскрываюць.

МІНСК, 28 мая — Sputnik. У Нацыянальным мастацкім музеі Беларусі не было выпадкаў, калі наведвальнікі здзяйснялі напады на экспанаты, як гэта здарылася на мінулым тыдні ў Маскве, паведамілі ў музеі.

Рэпрадукцыя карціны Іллі Рэпіна Іван Грозны і сын яго Іван 16 лістапада 1581 года - Sputnik Беларусь
Мужчына пашкодзіў карціну "Іван Грозны і яго сын Іван" у Траццякоўцы

Інцыдэнт у музеі адбыўся ўвечары: перад самым закрыццём Траццякоўскай галерэі адзін з наведвальнікаў пракраўся ў залу, дзе экспануюцца карціны Іллі Рэпіна, і пачаў наносіць удары па карціне "Іван Грозны і сын яго Іван". Палатно ў трох месцах было пашкоджана.

"Такіх выпадкаў, на шчасце, не было. З гэтым пытаннем у нас усё добра. Але ніхто ад падобных выпадкаў не застрахаваны", — паведамілі Sputnik у панядзелак у музеі.

Там адзначылі, што ў Нацыянальным мастацкім высокі ўзровень аховы экспанатаў. "Музей пад сігналізацыяй, вядзецца відэаназіранне, кругласутачна працуюць супрацоўнікі дэпартамента аховы МУС", — сказалі ў музеі.

Разам з тым там адзначылі, што ні адзін музей не будзе распавядаць падрабязнасці і нюансы сістэмы бяспекі і аховы сваіх экспанатаў і фондаў. "Гэта, так скажам, сакрэтная інфармацыя", — падкрэслілі ў музеі, адзначыўшы, што ўзровень аховы адпавядае статусу галоўнага музея краіны.

У музеі таксама адзначылі, што, акрамя гэтых ахоўных мер, ёсць яшчэ і штат наглядчыкаў, якія пастаянна заходзяцца ў залах музея.

Закранаючы пытанне аб тым, ці былі крадзяжы экспанатаў з музея ў апошнія дзесяцігоддзі, суразмоўцы Sputnik падкрэслілі, што такіх фактаў таксама не было. "Раніцай і ўвечары наглядчыкі і іншыя музейныя супрацоўнікі ў абавязковым парадку па шматгадовай традыцыі абыходзяць залы, аглядаюць, ці ўсе карціны і экспанаты на месцы. "Гэтую традыцыйную музейную практыку бяспекі ніхто не адмяняў", — сказалі ў музеі.

У Мінску адкрылася выстава Мастацтва намадаў Вялікага стэпа - Sputnik Беларусь
Відэа
"Залаты чалавек" з Казахстана прадставіў мастацтва намадаў у Мінску

Акрамя аховы існуе сістэма абавязковага страхавання карцін і іншых музейных экспанатаў пры вывазе за мяжу для экспанавання. Па словах суразмоўцаў агенцтва, самым дарагім па памеры страхоўкі за апошнія гады ў Нацыянальным мастацкім музеі быў "Залаты чалавек" з Казахстана. Гэтая выстава прайшла ў лістападзе 2017 года і была прымеркавана да 25-годдзя дыпламатычных адносін паміж Беларуссю і Казахстанам і візыту ў Мінск прэзыдэнта гэтай краіны Нурсултана Назарбаева.

У залах музея пастаянна экспануюцца некалькі калекцый: гэта старажытнабеларускае мастацтва і іканапіс, беларускае мастацтва XIX стагоддзя, рускае мастацтва XVIII — пач. XX стагоддзяў, еўрапейскае мастацтва XVI — XX стагоддзяў.

Як паведамілі Sputnik эксперты ў галіне мастацтвазнаўства, самы гучны і дзёрзкі крадзеж культурных каштоўнасцяў у Беларусі адбыўся каля 15 гадоў таму — тады з Нацыянальнай мастацкай бібліятэкі вынеслі больш за 10 рэдкіх кніг, у тым ліку і інкунабулы XV стагоддзя. Міліцыя затрымала зламыснікаў — двух студэнтаў, якія працавалі пад заказ з Масквы.

Стужка навiн
0