07:08 15 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Канадскі пісьменнік Майкл Андатжэ

"Англійскага пацыента" назвалі лепшай кнігай за 50 гадоў

© AFP 2018 / STR
Культура
Атрымаць кароткую спасылку
17 0 0

Кнігу канадскага пісьменніка Майкла Андатжэ адзначылі "Залатым Букерам" да пяцідзесяцігоддзя прэміі.

МІНСК, 9 ліп — Sputnik. Канадскі пісьменнік Майкл Андатжэ атрымаў Букераўскую прэмію за раман "Англійскі пацыент" у 1992 годзе, а ў 2018-м чытачы прагаласавалі за тое, каб яго раман прызналі лепшым за 50 гадоў і ўручылі яму прэмію "Залаты Букер", прымеркаваную да паўвекавога юбілею Букераўскай прэміі.

"Англійскі пацыент" — гэта той рэдкі раман, які пранікае пад скуру і настойвае, каб вы зноў і зноў да яго вярталіся, кожны раз прыносячы здзіўленне і асалоду", — адзначыла на цырымоніі член журы, брытанска-пакістанская пісьменніца Каміла Шамсі.

Кніга распавядае гісторыю абгарэлага да непазнавальнасці лётчыка самалёта, які разбіўся ў пустыні Сахара. За ім даглядае італьянская медсястра. Раман называюць шэдэўрам сучаснай прозы.

У адрозненне ад Букераўскай прэміі, якая ўручаецца па рашэнні журы, лаўрэата "Залатога Букера" абралі чытачы. Журы склала шорт-ліст з намінантаў, а аўдыторыя прагаласавала за Андатжэ. Акрамя яго, на прэмію прэтэндавалі раманы "У падвешаным стане" В. С. Найпола, "Месяцовы тыгр" Пенелопы Лайвлі, "Ваўчыная зала" Хілары Мэнтэл і "Лінкальн у бардо" Джорджа Сондэрса.

Канадскі пісьменнік Майкл Андатжэ выкладаў англійскую літаратуру ў Таронта з 1971 па 1988 год. Акрамя "Англійскага пацыента", Андатжэ выпусціў яшчэ пяць раманаў. Ён выпусціў 13 зборнікаў паэзіі, а ў апошнія гады працуе над дакументальнай прозай.

Тэги:
"Англійскі пацыент" (раман), Букераўская прэмія, Майкл Андатжэ
Правілы карыстанняКаментары

Галоўныя тэмы