Фільм беларускага рэжысёра атрымаў гран-пры Адэскага кінафестывалю

© Photo : Odesa International Film FestivalАдэскі кінафестываль
Адэскі кінафестываль - Sputnik Беларусь
Падпісацца
Карціна "Хрусталь" Дар'і Жук у апошнія тыдні стала вядомая дзякуючы планам вылучыць яе на суісканне "Оскара".

МІНСК, 22 ліп — Sputnik. Фільм "Хрусталь" беларускага рэжысёра Дар'і Жук атрымаў гран-пры Адэскага кінафестывалю, паведамляе Sputnik.

"Хрусталь" — фільм беларускі Дар'і Жук, якая пражывае і працуе ў ЗША. Стужка распавядае пра дзяўчыну, якая жадае эміграваць у Амерыку, і была ўпершыню прадстаўлена публіцы на фестывалі ў Карлавых Варах.

Стужку хваляць крытыкі і гледачы: у "скарбонцы" фільма "Хрусталь" ёсць шмат захопленых водгукаў. З'яўляюцца ў карціны і ўзнагароды: так, па выніках галасавання гледачоў яна атрымала Гран-пры Адэскага кінафестывалю.

Пра фільм "Хрусталь" пачалі актыўна размаўляць некалькі тыдняў таму — калі стала вядома, што адноўлены пры "Беларусьфільме" беларускі оскараўскі камітэт плануе вылучыць стужку на атрыманне прэміі "Оскар" у катэгорыі "Лепшы замежны фільм".

Беларускія гледачы змогуць убачыць фільм "Хрусталь" з 29 жніўня па 12 верасня.

На Адэскім міжнародным кінафестывалі, які адбыўся ўжо ў дзявяты раз, спаборнічалі фільмы з Украіны, Польшчы, Аўстрыі, Францыі, Індыі, ЗША, Вялікабрытаніі, Калумбіі і іншых краін. У міжнародным конкурсе ўдзельнічалі 12 фільмаў.

Стужка навiн
0