МІНСК, 24 ліп — Sputnik. Беларуская музыка Ганна Жданава напярэдадні прадставіла беларускамоўны сінгл "Знічка" — гісторыю пра тое, што ўсе мы калі-небудзь станем зоркамі.
Эйсід-калыханка выйшла адразу з трыма версіямі ад розных аўтараў — Diamos Roll, Marmi і Kosmonavt.
Па словах музыкі, гэта першая спроба, таму казаць пра паспяховасць і далейшае беларускамоўнае гучанне пакуль рана.
"Для мяне мова — гэта пластычны інструмент стварэння музыкі, таму да тэкстаў на рускай і беларускай мове стаўлюся вельмі акуратна", — распавяла Ганна карэспандэнту Sputnik.
Яна падкрэсліла, што галоўным жаданнем з'яўляецца рабіць такі прадукт, які зможа ўсхваляваць і зачараваць чалавека, што ніколі не чуў мовы.
Ці атрымалася ва ўладальніцы звання аўтара лепшага электроннага альбома Беларусі ў 2017 годзе першая спроба, можна паслухаць тут.
