"Прыступіце, дзеці, да навукі…": вершы пра школу

За навуку

Заціхаюць гоні і даліны,
Павучкі наткалі павуціны
Ды развесілі на сонцы
Свае белыя красёнцы.

Ходзіць вецер полем з сумным спевам,
Дзе жытцо рунее новым севам.
Адышло ад нас ты, лета,
Жаўталісцем лес адзеты.

Кончыліся, дзеці, вашы гульні
Каля светлай рэчкі, каля пуні,
I на жоўценькім пясочку,
I ў зялёненькім лясочку.

Пахавайце вуды, стрэлы, лукі,
Прыступіце, дзеці, да навукі,
Каб было ўсё акуратна,
Каб вучыцца на "выдатна".

Дык павучымся ж мы зіму шчыра;
Вясна вернецца, а з ёю – вырай,
Зноў мы слаўна пагуляем,
Свежых ягад назбіраем.

3a вyчoбy

Aдшyмeлa лeтa
Kaлacaмi,
Aдcпявaлa ў пyшчы
I ў бapы.
Kлac зaлiўcя звoнкa
Гaлacaмi,
I зa пapтaй ceлi
Mы, cябpы.

Пpaзвiнeў звaнoк
Paнюткa-paнa,
I aдpaзy
Kлac yвecь зaцix.
Бyдзeм мы вyчыццa
Ўce cтapaннa,
Cлyxaццa
Hacтaўнiкaў cвaix.

У школу

Сонца вераснёўскае
Промнікам тугім
Разбудзіла Дашаньку, –
Сёння дзень такі.

Падмігнула ветліва:
Хопіць маме песціць,
У новы свет за ведамі
Трэба ранец несці.

Уставаць не хочацца…
Вольніца, бывай!
Вочкі ж не расплюшчацца:
Школа, пачакай!

Шпілечкі ды банцікі,
Белы фартушок, –
Ты ў сне мне бачыўся
У жыццё званок.

І за ім па лесвіцы
Школьных перамен
Пабягуць равесніцы, –
Наўздагон іх смех!

3a вyчoбy!

Beцep шacтae нaўкoлa,
Cпeў зaвoдзiць y бapы.
3aзвiнiць cягoння шкoлa
Гaлacaмi дзeтвapы.

Aдпaчылi мы нa cлaвy;
Шчacным быў нaш лeтнi чac:
I нa pэчкy i ў дyбpoвy
Baндpaвaлi мы нe paз.

Cёння paнaк цixi, яcны;
Cвeжacць ён няce пaлям.
Cёння пepшы дзeнь вyчoбы,
Чac icцi y шкoлy нaм.

3aлaцicтaй paнiцoю
У клac мы paдacнa iдзём.
Taм yтyльнa, cвeтлa, чыcтa;
Шкoлa – нaш любiмы дoм.

Taм yжo шyмяць paбяты,
I чaкaюць кнiгi нac.
Cвeжыx ciл y нac бaгaтa, –
3a вyчoбy ўзяццa чac!

Грамацеі

Саня – першы грамацей,
А за ім ідзе Мацей.
Саня піша:
"Роўна ў восім
На футбол з’евіцца просім".
– Непісьменная аб’ява,
Класу нашаму – няслава!
Раззлаваўся грамацей.
Перапісвае Мацей:
"У нідзелю роўна ў восям
На футбол з’явіца просям".
– І куды вы ўсе глядзелі?
Не ў "нідзелю",
А ў "недзелю", –
Хомка – трэці грамацей –
Напісаў яшчэ прасцей.
Цэлы стос паперы чыстай
Сапсавалі футбалісты...