11:40 15 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Вядомы расійскі акцёр Павел Дзеравянка

Дзеравянка: у чацвёртай частцы Гогаля будзе поўны трэш і ўгар

© Sputnik / Виктор Толочко
Культура
Атрымаць кароткую спасылку
1410

У пракат толькі выходзіць трэцяя частка фільма "Гогаль. Страшная помста", а прадзюсары і сцэнарысты ўжо пішуць працяг, у якім Гогаль, Пушкін і Лермантаў будуць мець суперздольнасці.

МІНСК, 23 жні — Sputnik. У чарговай частцы фільма "Гогаль" класікі рускай літаратуры Гогаль, Пушкін і Лермантаў разам будуць змагацца з нячыстай сілай, пра гэта распавёў вядомы расійскі акцёр Павел Дзеравянка на прэс-канферэнцыі ў МПЦ Sputnik Беларусь, прысвечанай прэм'еры фільма "Гогаль. Страшная помста".

"Ужо пішацца сцэнар працягу. Гэта будзе нешта зусім новае, аўтары пойдуць далей. Ім развязваюць рукі, і будзе ўжо поўны трэш і угар", — падзяліўся Дзеравянка.

Па словах акцёра, у чацвёртай частцы фільма Гогаль, Пушкін і Лермантаў будуць змагацца з нячыстымі сіламі разам. "Яны будуць мець суперздольнасці, быць можа. Магчыма, Пушкін будзе ператварацца ў пярэваратня. Альбо ён будзе кланавацца на чатыры чалавекі і пражываць некалькі жыццяў. Зараз аўтары спрачаюцца. Але я за ваўкалака: мне падабаецца гэта ператварэнне, калі ў яго расце поўсць, кіпцюры", — жартам прадэманстраваўшы ператварэнне, сказаў ён.

Павел Дзеравянка прызнаўся, што яму вельмі прыкра, што ў трох частках фільма ў яго было зусім мала часу. "Заўсёды, калі ты прымяраеш на сябе новы вобраз, трэба час, каб неяк сябе выказаць добра. А тут наклеілі мне бакенбарды, надзелі касцюм на мяне і кажуць: "Цяпер ты Пушкін, вымаўляй тэкст". Я быў не вельмі задаволены адсутнасцю часу, адсутнасцю прапрацоўкі. Але мой Пушкін з'яўляецца ў самым нечаканым месцы, калі ўжо ўсе страцілі надзею ўбачыць нешта новае ў фільме", — адзначыў артыст.

Ён прызнаўся, што мае вялікія амбіцыі і хоча рэалізоўваць сябе ў розных жанрах. "Прапаноўваюць, у асноўным, ролі камедыйнага характару, а мяне ўсё больш цягне ў драму. Супергероя якога-небудзь мне хочацца сыграць. Ваўкалака таго ж самага. Цягне ў містыку, не хапае крыху містычнага ў нашым жыцці", — усміхнуўся Дзеравянка.

По теме

Фільм "Гогаль. Пачатак" узначаліў беларускі пракат
Тэги:
кіно, "Гогаль. Страшная помста" (фільм), Расія, Беларусь
Правілы карыстанняКаментары

Галоўныя тэмы