Рукапіс "Іліады" часоў Хрыста пакажуць у Нацыянальнай бібліятэцы

© Public DomainРукапіс "Іліады"
Рукапіс Іліады - Sputnik Беларусь
Падпісацца
Беларускую інфармацыйную прастору бударажыць навіна, што ў Мінску з'явіўся "арыгінал гамераўскай "Іліяды".

МІНСК, 18 вер — Sputnik. Выстава "Беларусь і Біблія" ў музее кнігі ў Нацыянальнай бібліятэцы Беларусі пачне сваю працу ў чацвер; сярод рарытэтаў, узрост якіх складае больш за 5 тысяч гадоў, прадстаўлена так званая "Біблія антычнасці" – гамераўская "Іліада".

Зразумела, што гаворка не ідзе пра арыгінал паэмы, напісаны самім Гамерам.

Таблічка з гамераўскім тэкстам - Sputnik Беларусь
Найстаражытны з вядомых фрагмент гамераўскай "Адысеі" знойдзены ў Грэцыі

"Гэта арыгінальны спіс, рукапісу 2000 гадоў, ён напісаны на папірусе на старажытнагрэчаскай мове",  — распавёў  Sputnik намеснік дырэктара Нацыянальнай бібліятэкі Алесь Суша.

Рукапісы такога ўзросту цалкам не дайшлі да нашых дзён, і ў бібліятэцы будзе прадстаўлены адзін з захаваўшыхся фрагментаў.

Па словах навукоўца, "Іліяда" цалкам падпадае пад тэму выставы, таму што паэма, якая датуецца прыкладна VIII векам да нашай эры, з'яўляецца сапраўднай Бібліяй для антычных часоў. Да таго ж, фрагмент, які будзе прадстаўлены ў музее кнігі, быў створаны прыкладна ў тыя гады, калі жыў Хрыстос. 

Паэма "Іліада", аўтарства якой прыпісваецца сляпому паэту Гамеру, распавядае пра асаду і знішчэнне Троі, якія адбыліся з-за таго, што траянскі царэвіч Парыс скраў жонку цара Менелая, прыгажуню Елену.

У 70-х гадах ХІХ стагоддзя нямецкі археолаг-самавучка Генрых Шліман, які праводзіў раскопкі ў Грэцыі і Турцыі, знайшоў пацверджанне існавання горада на ўказаным у паэме месцы, а таксама сведчанні пра вялікі пажар, які мог цалкам знішчыць яго прыкладна ў той час, калі адбываецца дзеянне "Іліады".

Стужка навiн
0