Хіты на гуслях і лагер шатландцаў: што чакае наведвальнікаў фестывалю "Самайн"

© Sputnik / Юлія ХвошчФестываль старажытнай кельцкай культуры Самайн у Батанічным садзе, 2017 год
Фестываль старажытнай кельцкай культуры Самайн  у Батанічным садзе, 2017 год - Sputnik Беларусь
Падпісацца
Фестываль кельцкай культуры пройдзе у Батанічным садзе 27 кастрычніка, гасцей чакае музычнае шоу, гульні горцаў, рынак рамеснікаў і розныя майстар-класы.

МІНСК, 17 кас - Sputnik. Другі фестываль кельцкай культуры "Самайн" пройдзе ў Батанічным садзе ў Мінску 27 кастрычніка з 12:00 да 17:00. Пра тое, чаго варта чакаць наведвальнікам мерапрыемства ў гэтым годзе, распавялі арганізатары фестывалю падчас сустрэчы з журналістамі ў МПЦ Sputnik Беларусь.

Рок га гуслях

Фестываль кельцкай культуры "Самайн" сёлета складаецца з некалькіх блокаў. Адзін з іх - музычная частка свята, якая будзе прадстаўлена калектывамі "Все crazy" і "Последний шиллинг".

"Ёсць яшчэ некалькі цікавых момантаў у музычным блоку. Аляксей Шкурапацкі - самы вядомы дудар Беларусі і Украіны, удзельнік сярэднявечных фэстаў - прадставіць сваю аўтарскую праграму. У асноўным гэта музыка брытанская ў выкананні шатландскай валынкі. Удзельнік праекта "Стары Ольса" Аляксандр Чумакоў прадставіць праграму выканання сусветных хітоў на гуслях, у тым ліку, і рок-кампазіцый. Гэта, напэўна, будзе ўпершыню ў сусветнай гісторыі, а ў Беларусі так дакладна", - распавёў арганізатар фестываляў беларускай культуры, кіраўнік экстрым-тэатра "Берсерк" Аляксандр Рак.

© Sputnik / Юлія ХвошчНа фестывалі будзе шмат мерапрыемстваў, якія дазволяць пазнаёміцца з кельцкай культурай
Хіты на гуслях і лагер шатландцаў: што чакае наведвальнікаў фестывалю Самайн - Sputnik Беларусь
На фестывалі будзе шмат мерапрыемстваў, якія дазволяць пазнаёміцца з кельцкай культурай

Паводле яго слоў, гэта вельмі цікавы эксперымент, які даказвае, што традыцыйныя інструменты, якім ужо больш за тысячу гадоў, пастаянна выкарыстоўваюцца рознымі музычнымі кірункамі.

Гульні горцаў і шатландскі лагер

На фестывалі "Самайн" будзе шмат мерапрыемстваў, якія дазволяць не толькі пазнаёміцца з кельцкай культурай, але і стаць удзельнікам розных актыўнасцяў. Напрыклад, у гэтым годзе "гульні горцаў" выйдуць на новы ўзровень.

"Будзе кіданне піўной бочкі ў вышыню, кіданне бервяна, перанос цяжараў. Зараз пішацца рэгламент гэтых спаборніцтваў, і любы жадаючы можа падаць заяўку на ўдзел у іх", - падзяліўся Рак.

На месцы правядзення фестывалю будзе разбіты вялікі шатландскі лагер. "Ёсць у нас у Беларусі энтузіясты-рэканструктары, якія з вялікім запалам займаюцца вывучэннем і баявой культуры Шатландыі і Брытанскіх астравоў, і узнаўленнем касцюмаў і ўзбраення. Усе жадаючыя змогуць паглядзець на прадстаўленне рэканструктараў, таксама вакол шатландскага лагера будзе шэраг інтэрактыўных зон: кіданне дзідаў, стральба з лука і лучная бітва - аналаг страйкбола і пейнтбола, калі замест сучаснай зброі выкарыстоўваюцца лукі", - растлумачыў арганізатар "Самайна".

Ежа, рамеснікі і забавы для дзяцей

Уся ежа, якая будзе рэалізоўвацца на фудкорце фестывалю, будзе звязана з яго тэматыкай: наведвальнікам прапануюць стравы брытанскай, шатландскай і ірландскай кухні. Акрамя таго, будзе працаваць вялікі кірмаш рамеснікаў.

"Традыцыйна ў сваіх фестывалях мы прад'яўляем вельмі высокія патрабаванні да афармлення гандлёвых павільёнаў, да тавараў, якія выстаўляюцца на гэтым кірмашы. Мы адабралі вялікую колькасць цікавых майстроў, можна будзе паназіраць за іх працай, паглядзець сувеніры", - распавёў Аляксандр Рак.

© Sputnik / Юлія ХвошчНа фестывалі будзе шмат цікавага для дзяцей і дарослых
Хіты на гуслях і лагер шатландцаў: што чакае наведвальнікаў фестывалю Самайн - Sputnik Беларусь
На фестывалі будзе шмат цікавага для дзяцей і дарослых

Арганізатары прадумалі забаўляльную праграму для прадстаўнікоў усіх узростаў і для сем'яў. "Будзе вялікая колькасць фотазонаў, будуць кельцкая варажба, скандынаўскія і шатландскія настольныя гульні. У іх зможа паўдзельнічаць любы жадаючы. Будуць выступы некалькіх танцавальных калектываў з ірландскімі танцамі, паколькі яны - неад'емная частка кельцкай культуры. Будзе вогненнае шоу", - адзначыў кіраўнік экстрым-тэатра "Берсерк".

Для дзяцей пройдуць майстар-класы на рынку рамеснікаў. "Будуць асобна дзіцячыя лакацыі, кантактны заапарк. На пляцоўцы будуць працаваць аніматары", - падзяліўся Рак.

Кельцкія "Дажынкі"

У беларускай і кельцкай культур ёсць вельмі шмат агульнага. Свята "Самайн", па сутнасці, аналаг беларускага "Багача" ці "Дажынак" - усе яны прысвечаны падвядзенню вынікаў года. Таму не дзіўна, што для правядзення фэсту абралі сталічны куток жывой прыроды - Батанічны сад.

© Sputnik / Юлія ХвошчГасцей будуць частаваць адмысловай ежай
Хіты на гуслях і лагер шатландцаў: што чакае наведвальнікаў фестывалю Самайн - Sputnik Беларусь
Гасцей будуць частаваць адмысловай ежай

"Мы заўсёды на мерапрыемствах стараемся паказаць нашы калекцыі. На "Самайне" будуць восеньскія калекцыі - хрызантэмы і вяргіні. У дзень фестывалю ў нас пасля 1,5-гадовага перапынку будзе дзень адчыненых дзвярэй у аранжарэі цытрусавых раслін: гэта навуковая аранжарэя, на працягу года там вядзецца навуковая праца, і туды нельга проста так трапіць", - распавяла супрацоўнік інфармацыйна-асветніцкага падраздзялення Цэнтральнага батанічнага саду НАН Беларусі, экскурсавод Ганна Козел.

Аранжарэя будзе адкрыта 27 кастрычніка з 12:00 да 14:00. "Там дзеці і дарослыя змогуць атрымаць асалоду ад калекцыяй цытрусавых: гэта і лімоны, і мандарыны, і памяло, і грэйпфруты. Расліны і з кветкамі, і з пладамі. Думаю, што ўсім будзе цікава", - склала яна.

Стужка навiн
0