ГРОДНА, 26 кас - Sputnik, Іна Грышук. Камсамольскі тралейбус-музей будзе курсіраваць па вуліцах Гародні ў суботу днём, 27 кастрычніка з 12 да 13 гадзін. Незвычайная акцыя прымеркавана да 100-годдзя ВЛКСМ.
Камсамольскі рэтра-тралейбус будзе ездзіць ўсяго толькі гадзіну па Бульвары Ленінскага Камсамола ад прыпынку каля медыцынскага ўніверсітэта да кальцавой развязкі на Фартах і назад. Як паведамілі ў аддзеле ідэалагічнай працы Гродзенскага гарвыканкама, падчас паездкі ў рэтра-тралейбусе жыхары горада змогуць акунуцца ў камсамольскую эпоху і паглядзець тэматычную экспазіцыю, а экскурсаводы раскажуць цікавыя факты пра камсамольскія часы.
Рэтра-тралейбус будзе адным з тэматычных мерапрыемстваў, якія прымеркаваны да 100-годдзя з дня ўтварэння Усесаюзнага Ленінскага Камуністычнага саюза моладзі (УЛКСМ), які ў свой час лічыўся самай масавай маладзёжнай арганізацыяй у свеце.
Да гэтай даты 27 кастрычніка ў Гродна высадзяць кляновыя прысады на Бульвары Ленінскага Камсамола, а ў медыцынскім універсітэце пройдзе ўрачысты канцэрт, тэматычная фотавыстава, будзе працаваць інтэрактыўная фотазона.
