Букмекеры назвалі фаварытаў прэміі "Оскар-2019"

© AP / Matt SaylesПрызы "Оскара" - статуэткі, архіўнае фота
Прызы Оскара - статуэткі, архіўнае фота - Sputnik Беларусь
Падпісацца
На думку букмекераў, больш за ўсё шанцаў атрымаць статуэтку за лепшы фільм - у стужкі Альфонса Куарона "Рома".

МІНСК, 23 сту - Sputnik. Букмекерскія канторы вызначыліся з фаварытамі кінапрэміі "Оскар-2019", паведамляе Sputnik.

Лепшым драматычным фільмам 2018 года асацыяцыя назвала Багемскую рапсодыю - байопік пра саліста групы Queen Фрэдзі Мэрк'юры. Рамі Малек, які сыграў легендарнага музыку, таксама атрымаў узнагароду як лепшы акцёр. - Sputnik Беларусь
"Рэпетыцыя "Оскара": у Лос-Анджэлесе ўручылі "Залатыя глобусы"

Намінанты на прэмію "Оскар-2019" былі названы напярэдадні ў Лос-Анджэлесе. Максімальную колькасць намінацый (па 10) атрымалі карціны "Рома" і "Фаварытка". Таксама за прэмію "Лепшы фільм" пазмагаюцца "Багемская рапсодыя", "Улада", "Зорка нарадзілася", "Зялёная кніга", "Чорны кланавец" і, упершыню ў гісторыі, баявік Marvel - "Чорная пантэра".

Букмекерскія канторы за месяц да абвяшчэння вердыкта кінаакадэмікаў вызначыліся з фаварытамі "оскараўскай гонкі". Так, ставяць букмекеры на перамогу фільма "Рома" - стужка Альфонса Куарона ўжо была высока ацэненая на шэрагу кінафэстаў, а таксама крытыкамі.

Што цікава, "Рому" у кінатэатрах не паказваюць - стужку распаўсюджваюць на сэрвісе Netflix. Адначасова гэты фільм прадстаўлены і ў намінацыі як "Лепшы фільм на замежнай мове", а таксама ў васьмі іншых катэгорыях.

На другім месцы па верагоднасці атрымаць "Оскар" знаходзіцца трагікамедыя "Зялёная кніга", на трэцім - гістарычная стужка "Фаварытка".

Менш за ўсё шанцаў, на думку букмекераў, перамагчы ў катэгорыі "Лепшы фільм" у карцін "Чорная пантэра" і "Улада".

Цырымонія прысуджэння прэміі "Оскар" пройдзе ў Лос-Анджэлесе 24 лютага. Цікава, што за месяц да мерапрыемства дагэтуль невядома імя вядучага шоу.

Стужка навiн
0