Вера Ярошык, беларуская ўдзельніца другога сезона міжнароднага вакальнага конкурсу для дзяцей, якія засталіся без апекі бацькоў, "Ты супер!" з вялікай радасцю ўспрыняла навіну аб тым, што для ўдзелу ў трэцім сезоне, акрамя новых канкурсантаў запрасілі і фіналістаў ранейшых гадоў.
"Вы не ўяўляеце, як там класна! Як я хачу ўбачыць сваіх знаёмых, яшчэ раз акунуцца ў тую атмасферу. Мне было настолькі цікава ў мінулы раз!" - казала Ярошык падчас прэс-канферэнцыі, арганізаванай у мультымедыйным прэс-цэнтры Sputnik.
Другі сезон "Ты супер!" адбыўся ў мінулым годзе. Вера заняла на ім другое месца. Яе голас і манеру выканання ацанілі і журы, і гледачы.
У трэцім сезоне яна марыць выканаць песню, "у якой ёсць душа і закладзены глыбокі сэнс". Па просьбе прывесці прыклад узгадала кампазіцыю "Якім ты быў", якую яна выконвала падчас удзелу ў конкурсе. Пры тым што першапачаткова ёй гэтая песня не спадабалася.
"Песня адразу не спадабалася, але мой педагог столькі распавяла мне пра гісторыю гэтай песні, аб яе выкананні, пра ўсю драматургію, што я да гэтага часу яе люблю", - узгадвае Вера.
Яна вельмі хвалявалася ў першыя дні ў Маскве, была разгубленая і няўпэўненая ў сабе. Але хутка ўцягнулася ў працэс, калі здымкі, фотасесій і заняткі па вакале змянялі адзін аднаго, у выніку, часу нервавацца і перажываць не засталося.
Таму, даючы наказ на дарогу Марыі Хархаль, беларускай ўдзельніцы трэцяга сезона "Ты супер!", Вера Ярошык параіла не хвалявацца: на праекце да кожнага ўдзельніка шукаюць індывідуальны падыход. Педагогі не навязваюць свае стандарты, а імкнуцца раскрыць патэнцыял кожнага дзіцяці.
Вера Ярошык прызнаецца, што па-ранейшаму любіць джаз, эстраду і поп-музыку.
"Але цяпер я стала слухаць музыку розных гадоў, асабліва цікавая эстрада канца мінулага стагоддзя", - кажа ўдзельніца "Ты супер!".
Трэці сезон "Ты супер!" стартуе 5 сакавіка на сцэне Дзяржаўнага Крамлёўскага палаца. У канцэрце прымуць удзел як пачаткоўцы, так і дзеці з папярэдніх сезонаў, а таксама зоркі расійскай эстрады Ігар Крутой, Ёлка, Стас П'еха, Дыяна Арбеніна, Уладзімір Праснякоў і іншыя.
