Украіна не будзе ўдзельнічаць у Еўрабачанні

© Photo : EBUАрганізатары "Еўрабачання" пракаменціравалі адмову Украіны ад удзелу ў шоу
Арганізатары Еўрабачання пракаменціравалі адмову Украіны ад удзелу ў шоу - Sputnik Беларусь
Падпісацца
Арганізатары конкурса пракаменціравалі адмову Украіны ад удзелу.

МІНСК, 28 лют - Sputnik. Арганізатары песеннага конкурсу "Еўрабачанне" выказалі шкадаванне з-за прынятага Кіевам рашэння адмовіцца ад удзелу ў конкурсе у 2019 годзе, пра гэта паведамляецца на сайце Еўрапейскага вяшчальнага саюза (EBU).

"Кожны вяшчальнік, які ўдзельнічае, нясе адказнасць за выбар свайго выканаўцы для Еўрабачання ў адпаведнасці з правіламі, усталяванымі Еўрапейскім вяшчальным саюзам", - гаворыцца ў апублікаванай заяве.

Там таксама адзначаецца, што перамовы адносна ўдзелу краіны ў "Еўрабачанні" ў 2020 годзе будуць працягнутыя. Раней Кіеў пацвярджаў удзел у конкурсе і нават заплаціў неабходны для гэтага ўнёсак.

Аб адмове Украіны ад удзелу ў конкурсе песні "Еўрабачанне-2019" стала вядома ў сераду, 27 лютага. Пра гэта паведаміла Нацыянальная грамадская тэлерадыёкампанія Украіны (НГТУ). Рашэнне было прынята пасля скандалу з нацыянальным адборам. У фінале адбору перамагла спявачка Maruv, якая, азнаёміўшыся з умовамі кантракту, заявіла, што на конкурс на такіх умовах не паедзе.

Галоўны прыз конкурсу Еўрабачанне - Sputnik Беларусь
Правілы адбору на "Еўрабачанне" ад Украіны зменяць пасля скандалу з MARUV

Услед за Maruv прадстаўляць Украіну на "Еўрабачанні" адмовіліся і іншыя ўдзельнікі фіналу - Freedom Jazz і KAZKA. Аб нежаданні ўдзельнічаць у конкурсе ў выпадку, калі ёй паступіць прапанова ад НГТУ, загадзя заявіла і група Brunettes Shoot Blondes, якая заняла чацвёртае месца ў фінале нацыянальнага адбору.

У сувязі з такой сітуацыяй урад краіны даручыў Дзяржкамтэлерадыё і НГТУ ўнесці змены ў правілы адбору прадстаўніка краіны на конкурс.

Міжнародны песенны конкурс "Еўрабачанне-2019" будзе праходзіць з 14 па 18 мая ў Тэль-Авіве. З улікам адмовы Украіны ў конкурсе прымуць удзел прадстаўнікі 41 краіны. Усе прадстаўнікі краін-удзельніц вызначацца да 10 сакавіка.

Адмова Украіны ад удзелу ў "Еўрабачанні" здаралася і раней - у 2015 годзе краіна таксама ўстрымалася ад удзелу свайго прадстаўніка ў шоу.

Стужка навiн
0