21:35 21 красавіка 2019
«Радыё Sputnik»
  • USD2.10
  • EUR2.36
  • 100 RUB3.28
Кнігі Максіма Багдановіча

Музей Максіма Багдановіча можа з'явіцца ў Ялце

Sputnik
Культура
Атрымаць кароткую спасылку
2321

Для стварэння экспазіцыі арганізатарам спатрэбіцца дапамога беларускіх калег з мінскага музея літаратара.

МІНСК, 2 кра - Sputnik. Для стварэння музея Максіма Багдановіча ў Ялце патрэбна дапамога беларускіх калег з мінскага музея паэта, распавёў падчас тэлемосту Мінск - Сімферопаль - Масква ў мультымедыйным прэс-цэнтры Sputnik Беларусь старшыня рэгіянальнай нацыянальна-культурнай аўтаноміі "Беларусы Крыма" Раман Чаргінец.

"Мы запусцілі з кіраўніком федэральнай нацыянальнай культурнай аўтаноміі беларусаў Расіі Сяргеем Кандыбовічам працэс стварэння гэтага музея. Адміністрацыя Ялты пайшла на сустрэчу, ёсць варыянты па памяшканні", - распавёў Чаргінец.

Паводле яго слоў, у цэнтры Ялты ёсць музей Міхаіла Салтыкова, у ім ёсць другі корпус, дзе і прапануецца размясціць экспазіцыю. Але ёсць пытанні па напаўненні музейнага фонду. Тут патрэбна будзе дапамога беларускага боку.

"Нам патрэбны мінімум копіі, а ў ідэале арыгіналы з цэнтральнага музея Багдановіча ў Мінску. Нам патрэбна дапамога ў напаўненні музейных фондаў. Гэта мог бы быць праект Саюзнай дзяржавы", - дадаў спікер.

Ён дадаў, што на базе будучага музея таксама можа з'явіцца экскурсійны маршрут па месцах у Крыме, дзе быў Багдановіч.

"Калі беларускаму турысту гэта цікава, то гэта Ялта, Феадосія, Стары Крым", - падсумаваў старшыня рэгіянальнай нацыянальна-культурнай аўтаноміі "Беларусы Крыма".

Класік беларускай літаратуры Максім Багдановіч не раз бываў у Крыме, дзе лячыўся ад сухотаў. Упершыню ён пабываў на паўвостраве ў 1909 годзе, другі - у 1915 году. У апошні, трэці раз, паэт прыехаў у Ялту ў 1917.

Поўную версію тэлемосту Мінск - Сімферопаль - Масква, прысвечаную Дню яднання народаў Расіі і Беларусі, які адзначаецца 2 красавіка, глядзіце на відэа.

Чытайце таксама:

Тэги:
Максім Багдановіч, Ялта, Расія

Галоўныя тэмы