МІНСК, 26 кра - Sputnik. Беларускі стрыт-атр мастак Міця Післяк рыхтуе адмысловую "беларускую" серыю прынтоў для адзення. Аб гэтым ён паведаміў карэспандэнту Sputnik.
"У мяне даўно было жаданне зрабіць серыю прынтоў на майках і світшотах і пэўным чынам распаўсюдзіць іх па Мінску. Планаваў зрабіць штосьці такое ўжо два гады, прыдумаць гісторыю, звязаную менавіта з Беларуссю", - падзяліўся мастак.
На стварэнне серыі прынтоў яго натхніла праца над гадзіннікам "Луч " на цырферблаце якога намаляваны "тыповы беларус" – светлавалосы, з блакітнымі вачыма і ружовым тварыкам. Прыкладна такімі ж будуць беларусы і на адзенні – хлопчык, дзяўчынка, мужчына і жанчына.
"Мне самому веьмі падабаецца, як гэта ўсё атрымалася. Запусціць продаж адзення планую ў бліжэйшы месяц праз краудфандынгавую кампанію. Кожны жадаючы змода зрабіць замову і атрымаць сваю майку ці світшот. Такі варыянт вельмі выгадны для ўсіх", - патлумачыў Міця.
Мастак наўмысна ў сваёй творчасці не выкарыстоўвае такі беларускі сімвал як вышыванка. Па яго словах, зараз вельмі шмат дрэнных прыкладаў выкарыстання гэтых узораў.
"Я вельмі добра стаўлюся да вышыванкі, яна мне падабаецца. Добра, што ў Беларусі ёсць такі адметны момант, але ўзор на майцы павінен быць вышыты, а не надрукаваны. У адваротным выпадку гэта бязглуздзіца", - упэўнены Післяк.
Чытайце таксама:
- Для тых, хто не паспеў: міні-экскурсія па выставе Міці Післяка
