МІНСК, 13 мая - Sputnik. Генеральная рэпетыцыя першага паўфіналу "Еўрабачання-2019" пройдзе сёння ў Тэль-Авіве, паведамілі арганізатары шоу.
"Еўрабачанне" афіцыйна стартавала ў Тэль-Авіве ўвечары ў нядзелю. У рамках "еўратыдня" ўжо адбылася цырымонія адкрыцця шоу. Асноўныя мерапрыемствы конкурсу пройдуць з панядзелка па суботу.
Так, сёння ў Тэль-Авіве пройдзе генеральная рэпетыцыя першага паўфіналу конкурсу. Артысты будуць выступаць у "жывым" фармаце ў поўнай зале - квіткі на генрэпетыцыі традыцыйна прадаюцца.
У рамках генеральнай рэпетыцыі свае адзнакі канкурсантам выставяць члены прафесійнага журы. У аўторак у ходзе тэлетрансляцыі паўфіналу гэтыя балы будуць сумаваныя з галасамі тэлегледачоў, пасля чаго вызначыцца, хто з 17 удзельнікаў увойдзе ў дзясятку фіналістаў "Еўрабачання".
Удзельнічае ў першым паўфінале і прадстаўніца Беларусі Зена. Пакуль букмекеры ставяць яе на 13 месца з 17 паўфіналістаў, то бок шанцаў на выхад у фінал у яе не вельмі шмат.
Першы паўфінал "Еўрабачання-2019" пройдзе 14 мая. Другі паўфінал адбудзецца 16 мая, фінал - 18 мая. Пачатак трансляцыі ўсіх канцэртаў - 22:00.
