https://bel.sputnik.by/20230601/Prykazk-pra-dzyatsey-na-belaruskay-move-1041340444.html
"Старэйшы брат як другi бацька": беларускія прыказкі пра дзяцей
"Старэйшы брат як другi бацька": беларускія прыказкі пра дзяцей
Sputnik Беларусь
У Міжнародны дзень абароны дзяцей Sputnik звярнуўся да беларускага фальклору, каб даведацца, што думалі пра выхаванне дзяцей нашы продкі. 01.06.2023, Sputnik Беларусь
2023-06-01T09:04+0300
2023-06-01T09:04+0300
2023-06-01T09:04+0300
культура
цiкавосткi
дзеці
прыказкі
прымаўкі
беларуская мова
традыцыі
народныя традыцыі
беларускі фальклор
беларусь
https://cdnn11.img.sputnik.by/img/07e5/05/18/1047701950_0:0:1600:901_1920x0_80_0_0_34df67dc55c6847ffb00458c8e5edebb.jpg
У Беларусі кажуць: "Які род, такі і плод". Сапраўды, ад бацькоў вельмі моцна залежыць, якім вырасце дзіця. І справа не толькі ў выхаванні, але і ў адносінах у сям'і і яе ладзе.Іншая народная мудрасць сцвярджае: "Бяда без дзяцей, але бяда і з дзецьмі". Гадаваць дзяцей цяжка, а калі ўявіць, што нашы продкі рабілі гэта без пральнай машыны і іншых карысных гаджэтаў, застаецца толькі здзіўляцца – і як нашы бабулі і прабабулі ўсё паспявалі?Можна сярод прыказак знайсці і прамыя парады па выхаванні, напрыклад: "Дзіця, не ўпаўшы, не вырасце". Гэта значыць трэба дазволіць малому вучыцца на сваіх памылках, не клапаціцца пра яго празмерна.У рамках святкавання Міжнароднага дня абароны дзяцей Sputnik зрабіў падборку беларускіх прыказак пра дзяцей. Некаторыя з іх могуць падацца сучаснаму чытачу нават жорсткімі, але з многімі, мы ўпэўненыя, можна цалкам пагадзіцца.Чытайце таксама:
беларусь
Sputnik Беларусь
media@sputniknews.com
+74956456601
MIA „Rosiya Segodnya“
2023
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
прыказкі дзеці па-беларуску фальклор дзень абароны дзяцей пословицы дети по-белорусски фольклор день защиты детей культура спадчына беларусь наследие
прыказкі дзеці па-беларуску фальклор дзень абароны дзяцей пословицы дети по-белорусски фольклор день защиты детей культура спадчына беларусь наследие
"Старэйшы брат як другi бацька": беларускія прыказкі пра дзяцей
У Міжнародны дзень абароны дзяцей Sputnik звярнуўся да беларускага фальклору, каб даведацца, што думалі пра выхаванне дзяцей нашы продкі.
У Беларусі кажуць: "Які род, такі і плод". Сапраўды, ад бацькоў вельмі моцна залежыць, якім вырасце дзіця. І справа не толькі ў выхаванні, але і ў адносінах у сям'і і яе ладзе.
Іншая народная мудрасць сцвярджае: "Бяда без дзяцей, але бяда і з дзецьмі". Гадаваць дзяцей цяжка, а калі ўявіць, што нашы продкі рабілі гэта без пральнай машыны і іншых карысных гаджэтаў, застаецца толькі здзіўляцца – і як нашы бабулі і прабабулі ўсё паспявалі?
Можна сярод прыказак знайсці і прамыя парады па выхаванні, напрыклад: "Дзіця, не ўпаўшы, не вырасце". Гэта значыць трэба дазволіць малому вучыцца на сваіх памылках, не клапаціцца пра яго празмерна.
У рамках святкавання Міжнароднага дня абароны дзяцей Sputnik зрабіў падборку беларускіх прыказак пра дзяцей. Некаторыя з іх могуць падацца сучаснаму чытачу нават жорсткімі, але з многімі, мы ўпэўненыя, можна цалкам пагадзіцца.
"Вырас да неба, а дурань як трэба".
"Кожнаму сваё дзіця міла".
"Каб задні розум ды наперад".
"Сава не родзіць сакола".
"Дзіця, не ўпаўшы, не вырасце".
"Не расказвай нiкому, што робiцца ўдому".
"Малыя дзеці – рукі баляць, вялікія – сэрца баліць".
"Дзе нянек многа, там дзіця бязнога".
"Дзіцятка хоць і крыва, ды бацьку з маткаю міла".
"Не жыві дабром, а жыві розумам".
"У каго дзеці, у таго шчасце".
"Без навук як без рук".
"Не навучаць бацькі, дык навучыць гора".
"Не глядзі, што на галаве, а глядзі, што ў галаве".
"Дрэва трымаецца каранямі, а чалавек сябрамі".
"Дай, Божа, старым вочы, а маладым – розум".
"У сваёй маткі ўсе добрыя дзеткі".
"Усякая матка хваліць сваё дзіцятка".
"Сябра на грошы не купіш".
"Свайго розуму не пазычыш і ў чужую галаву не ўкладзеш".
"Што дурны папсуе, тое і разумны не паправіць".
"Якія гады, такі і розум".
"Старэйшы брат як другi бацька".
"Якія сані, такія і самі".
"Свет ясны ад сонца, а чалавек – ад навукі".
"Шануй настаўніка лепей як крамніка".
"Новага добрага не дзічыся, а што не ведаеш – вучыся".
"Гультай за работу, а мазоль за руку".
"Да пяці год пястуй дзіця, як яечка, з сямі – пасі, як авечку – тады выйдзе на чалавечка".
"Дзетак узгадаваць – не курак пасклікаць".
"Як дзіця плача, маткі сэрца з жалю плача".
"Катораму дзіцяці кепска, то ўсё бацькам сэрца баліць".
"Бацька за парог, а дзеці за пірог".
"Дзетак узгадаваць – не курак пасклікаць".
"Даў Бог дзеці, але няма іх дзе падзеці".
"Ад роднага таткі дорагі і латкі".
Лірычны свет вершаў Юрася Свіркі: "А думкі ткуцца у цішы і грэюць ласкаю сваёю..."
"Радзіму не пакіну я без песень…": сум і
лірыка ў вершах Язэпа Пушчы"Каб мудры лёс набыць, спатрэбіцца нямала…":
вершы Амара Хаяма ў беларускім гучанні"Срэбранаю пацеркай на нітцы…": казачная
крыніца творчасці Васіля Віткі
