07:51 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Стартуюць нацыянальныя адборачныя туры да Славянскага базару

Стартуюць нацыянальныя адборачныя туры да "Славянскага базару"

© Sputnik / Виктор Толочко
Культура
Атрымаць кароткую спасылку
810

На адборачны тур у Віцебску падалі заяўкі 41 чалавек, 27 выканаўцаў на дзіцячы конкурс і 14 - на дарослы.

ВІЦЕБСК, 4 сне - Sputnik. Нацыянальныя адборачныя туры на ўдзел у XXIX міжнародным конкурсе выканаўцаў эстраднай песні "Віцебск 2020", які пройдзе ў рамках "Славянскага базару", стартуюць у снежні гэтага года, паведамілі ў Цэнтры культуры "Віцебск".

Першы адборачны тур пройдзе ў Віцебску 6 снежня. Пляцоўкай для праслухоўвання выступіць сцэна Цэнтра культуры.

"Прэтэндэнты на ўдзел у дзіцячым конкурсе павінны будуць выканаць песню беларускага аўтара на беларускай мове і кампазіцыю на свой выбар, якая павінна найбольш ярка адлюстраваць выканальніцкае майстэрства і артыстычныя здольнасці юнага артыста. Дарослым удзельнікам трэба будзе выканаць песню кампазітара якой-небудзь славянскай краіны на адной са славянскіх моў і сусветны хіт", - падкрэслілі ў Цэнтры культуры.

Там адзначылі, што ўдзельнікаў адборачнага тура ў Віцебску чакае насычаная культурная праграма. Выканаўцы сустрэнуцца з членамі журы конкурсу, сярод якіх будзе заслужаная артыстка Рэспублікі Беларусь, педагог па вакале, салістка Нацыянальнага акадэмічнага канцэртнага аркестра Беларусі Наталля Тамела, яна ж правядзе і майстар-клас для канкурсантаў.

Удзельнікі наведаюць выставачную залу "Духаўскі круглік", дзе "захоўваецца гісторыя" фестывалю мастацтваў "Славянскі базар". Акрамя таго, канкурсанты паднімуцца на сцэну Летняга амфітэатра. Як адзначылі арганізатары, гэта дазволіць вакалістам зарадзіцца энергетыкай фестывалю і годна праявіць сябе ў адборачным туры.

Нядаўна адміністрацыя фестывалю правяла апытанне ў афіцыйнай групе ў сацыяльнай сеткі "УКантакце", у якім пацікавілася, каго з зорак гледачы хацелі б убачыць на "Славянскім базары". Сярод выканаўцаў, якіх чакаюць на фестывалі, былі названыя Rammstein і Eminem, прычым амерыканскаму рэперу прапанавалі выступіць на Плошчы перамогі, як гэта ў свой час зрабіў Дзмітрый Білан.

Тэги:
Беларусь, Віцебск, Славянскі базар у Віцебску

Галоўныя тэмы