11:01 01 кастрычніка 2020
«Радыё Sputnik»
  • USD2.62
  • EUR3.07
  • 100 RUB3.33
Культура
Атрымаць кароткую спасылку
1210

Пасля двухмесячнага перапынку з-за COVID-19 гледачы змогуць убачыць адну з самых папулярных пастановак купалаўскай трупы, праўда, з шэрагам абмежаванняў.

МІНСК, 10 чэр - Sputnik. Нацыянальны акадэмічны тэатр імя Янкі Купалы адкрыецца для гледачоў з 15 чэрвеня, пацвердзілі Sputnik ў білетных-касах гэтай установы культуры.

У сакавіку з-за эпідэміі каронавіруса Купалаўскі стаў паказваць свае спектаклі выключна на віртуальнай платформе. Але ўжо ў наступны панядзелак можна будзе, нарэшце, прыйсці ў тэатр і ацаніць знакамітую "Паўлінку".

У тэатры ўдакладнілі, што квіткі на дадзены спектакль прадаюцца толькі ў адной касе, размешчанай каля яго, а таксама ў сеціве.

"Для бяспекі гледачоў рассаджванне будзе праводзiцца ў шахматным парадку. Агульная запаўняльнасць залы Галоўнай сцэны не перавысіць 100 гледачоў (з 338 месцаў), а ў зале Камернай сцэны - не больш за 40 (з 80 месцаў). Перад спектаклем і пасля яго ў памяшканнях будуць праводзіць дэзінфекцыю. Таксама ў тэатры маюцца антысептыкі, якімі можна скарыстацца", - адзначылі ў прэс-службе гэтай установы культуры.

Афіцыйнай забароны на правядзенне спектакляў у Беларусі не было. Тэатры маглі працаваць у звычайным рэжыме. Аднак з улікам рэзкага зніжэння колькасці гледачоў і неспрыяльнай эпідэміялагічнай абстаноўцы шэраг такіх устаноў культуры вырашылі сысці ў анлайн.

Купалаўскі тэатр размешчаны ў будынку губернскага тэатра, які адкрыўся ў Мінску ў 1890 годзе. Першым спектаклем, які быў пастаўлены ў тэатры ў 1890 годзе стаў "Сфінкс" Актава Фелье. "Паўлінка" па творы Янкі Купалы была пастаўлена ў 1944-м, калі трупа знаходзіўся ў Томску, і стала візітнай карткай тэатра і захоўваецца ў рэпертуары да цяперашняга часу.

Тэги:
Мінск, Купалаўскі тэатр

Галоўныя тэмы