09:57 13 красавіка 2021
«Радыё Sputnik»
  • USD2.64
  • EUR3.14
  • 100 RUB3.43
Культура
Атрымаць кароткую спасылку
31 0 0

Новую песню для "Еўрабачання" прадставяць на наступным тыдні, а ў бліжэйшы час яе адправяць арганізатарам конкурсу.

МІНСК, 26 сак – Sputnik. Беларусь выбрала новую песню для конкурсу "Еўрабачанне-2021" у Ратэрдаме (Нідэрланды), заявіў кіраўнік Белтэлерадыёкампаніі Іван Эйсмант.

Беларусь на песенным конкурсе павінна прадставіць баранавіцкая група "Галасы ЗМеста". Першапачаткова калектыў планаваў выканаць у Ратэрдаме кампазіцыю "Я навучу цябе", але арганізатары палічылі яе залішне палітызаванай і не дапусцілі песню да ўдзелу ў конкурсе. У Мінску заявілі, што не згодны з рашэннем Еўрапейскага вяшчальнага саюза (ЕВС), але змяніць песню ўсё ж такі пагадзіліся.

"Група прапанавала выбар з двух новых песень. Мы выбралі адну з іх. У бліжэйшы час яна будзе ў зведзеным выглядзе адпраўлена ў ЕВС", - сказаў Эйсмант. Яго словы прыводзіць РІА Навіны.

Старшыня Белтэлерадыёкампаніі не ўдакладніў назву новай песні, таксама не стаў раскрываць падрабязнасці пра яе. Па словах Эйсмант, новая кампазіцыя ад Беларусі для "Еўрабачання" будзе прадстаўлена на наступным тыдні шырокай публіцы.

Прэзідэнт Беларусі Аляксандр Лукашэнка раней, каментуючы нядопуск песні "Я навучу цябе", звярнуў увагу, што гэта "добры піяр". "Ну, толькі аўтарытэту ім дадалі. Як кажуць, добры піяр. Ну, калі што, так песню мы зробім іншую. Не пытанне", - казаў беларускі лідэр.

Нагадаем, "Еўрабачанне-2021" пройдзе ў траўні ў Ратэрдаме, фінал конкурсу вызначаны на 22-е чысло.

Чытайце таксама:

Тэги:
конкурс, Еўрабачанне, песня, Беларусь

Галоўныя тэмы