Белгідрамет сочыць за наступствамі пажараў у чарнобыльскіх лясах

© Sputnik / Виктор ТолочкоВясновы пал
Вясновы пал - Sputnik Беларусь
Падпісацца
Падчас пажараў узровень актыўнасці цэзія-137 у Беларусі павышаецца нязначна; не ўплываюць на радыяцыйную бяспеку і АЭС, размешчаныя ў суседніх краінах.

МІНСК, 29 вер — Sputnik. Рэспубліканскі цэнтр па гідраметэаралогіі, кантролі радыёактыўнага забруджвання і маніторынгу навакольнага асяроддзя (Белгідрамет) сочыць за наступствамі пажараў у Палескім дзяржаўным радыяцыйна-экалагічным запаведніку, заявіла начальнік Белгідрамета Марыя Гермянчук.

Відэа
Лясны пажар успыхнуў у Чарнобыльскай зоне адчужэння

У апошні раз буйны пажар на тэрыторыі запаведніка фіксаваўся ў 2015 годзе, летам. Аднак у лютым 2016 года кіраўніцтва запаведніка адзначала, што асцерагаецца пажараў улетку і падкрэслівала, што асноўная прычына пажараў — чалавечы фактар.

"На працягу некаторага часу, калі адбываліся пажары, мы бачылі змены радыяцыйнай абстаноўкі, у тым ліку на тэрыторыі Беларусі, але ўзроўні былі такія малаважныя, што толькі наша высокакласная апаратура была ў стане гэта зарэгістраваць", — сказала Гермянчук падчас анлайн-канферэнцыі ў чацвер у Мінску.

Яна адзначыла, што пры пажарах "у Чарнобыльскай пушчы сапраўды назіраецца некаторае павышэнне ўдзельнай актыўнасці цэзія-137, але гэтыя змены надзвычай нязначныя і ў дзясятку тысяч разоў менш таго ўзроўню, калі неабходна ўжываць меры". Гермянчук патлумачыла, што наяўная ў Беларусі абсталяванне гэтакае адчувальнае, што нават змагло зарэгістраваць радыяцыйнае забруджванне пасля аварыі на АЭС "Фукусіма" ў Японіі.

"Гэта азначае, што любыя змены ў радыяцыйнай абстаноўцы, якія могуць быць паблізу граніц Беларусі, мы своечасова выявім", — сказала яна.

Кіраўнік Белгідрамета дадала, што АЭС, размешчаныя паблізу беларускай мяжы ў суседніх дзяржавах, не аказваюць уплыву на радыяцыйную абстаноўку ў Беларусі.

"Вынікі шматгадовых назіранняў, на шчасце, паказваюць, што Ровенская, Ігналінская, Смаленская АЭС уплыву не аказваюць. Тое ж самае тычыцца Чарнобыльскай АЭС", — сказала Гермянчук.

Стужка навiн
0