18:24 14 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Тактычнае вучэнне з 19-й гвардзейскай асобнай механізаванай брыгадай Паўночна-заходняга аператыўнага камандавання

Больш за 1000 салдат удзельнічаюць ў вучэнні пад Баранавічамі

© Sputnik
Бяспека
Атрымаць кароткую спасылку
610

У Беларусі працягваецца паказное тактычнае вучэнне, у рамках якога задзейнічаны больш за тысячу вайскоўцаў, дзесяткі танкаў і баявых браніраваных машын.

БАРАНАВІЧЫ, 26 кра — Sputnik. Інсцэніроўка баявых дзеянняў з удзелам 19-й гвардзейскай асобнай механізаванай брыгады Паўночна-заходняга аператыўнага камандавання прайшла на 230-м агульнавайсковым палігоне "Абуз-Лясноўскі".

Мерапрыемства адбылося ў рамках паказнога тактычнага вучэння, якое праходзіць у Беларусі з 23 па 27 красавіка пад кіраўніцтвам намесніка міністра абароны генерал-маёра Сяргея Патапенкі. Падчас вучэнні кіруючы састаў злучэнняў і вайсковых часцей навучаюць арганізацыі абароны краіны з улікам перадавога вопыту апошніх лакальных канфліктаў.

Усяго ж у рамках вучэнняў задзейнічана больш за 1000 чалавек асабовага саставу, звыш трох дзесяткаў танкаў, 50 баявых браніраваных машын і 15 гармат артылерыі і рэактыўных сістэм залпавага агню, авіяцыя, беспілотнікі, сістэмы радыёэлектроннай барацьбы.

Тактическое учение под Барановичами
© Sputnik
Тактычнае вучэнне пад Баранавічамі

Падчас мерапрыемства міністр абароны Андрэй Раўкоў адзначыў высокі ўзровень падрыхтоўкі беларускіх вайскоўцаў.

"Мы прывялі на вучэнне службовых асоб, якія займаюцца баявой падрыхтоўкай: ад камандзіра батальёна і да камандавання брыгад, каб яны маглі перадаваць вопыт 19-й брыгады Паўночна-заходняга аператыўнага камандавання сваім злучэнням і часцям", — распавёў Раўкоў.

Па словах міністра абароны, 19-я брыгада на працягу паўтара месяцаў працуе на 230-м палігоне. Сёння яны паказалі абарончы бой: адбіванне наступу праціўніка і яго знішчэнне. Выкарыстоўваліся ўсе сілы і сродкі, якія маюцца ў распараджэнні камандзіра брыгады, неабходная падтрымка ў выглядзе авіяцыі, артылерыйскіх падраздзяленняў, якія перадаюцца брыгадзе для вядзення абарончага бою пад пэўную задачу.

Тактическое учение под Барановичами
© Sputnik
Тактычнае вучэнне пад Баранавічамі

"Мы актыўна ўдасканальваем спосабы прымянення гэтых сіл і сродкаў з улікам тых канфліктаў, якія зараз адбываюцца ў свеце. Адзін з іх — "Сірыйскі вал", які дазваляе выконваць паражэнне суперніка танкамі аж да ўзвода з мінімальнай паразай саміх танкаў. Брыгада, я лічу, годна адпрацавала свае задачы, бачная іх падрыхтоўка", — дадаў Раўкоў.

У суботу, 28 красавіка, пачнецца завяршальны этап вучэнняў, калі будзе адбывацца пагрузка, адпраўка падраздзяленняў і тэхнікі ў сталыя месцы дыслакацыі.

Тэги:
ваенныя вучэнні, Міністэрства абароны РБ, Андрэй Раўкоў, Баранавічы
Правілы карыстанняКаментары

Галоўныя тэмы