МІНСК, 24 ліп — Sputnik. Лёсаванне "танкавага біятлону" прайшло напярэдадні на падмаскоўным палігоне "Алабіна", паведаміла прэс-служба Міністэрства абароны Расіі.
Спаборніцтвы танкістаў, якія традыцыйна праходзяць у рамках армейскіх гульняў, стартуюць 28 ліпеня. Усяго ў "танкавым біятлоне" будуць спаборнічаць удзельнікі з 23 краін.
Беларускім экіпажам выпала ўдзельнічаць у спаборніцтвах пад чацвёртым нумарам. Адметны колер, які будзе нанесены на танкі, — зялёны. Зялёнымі танкамі беларусы кіравалі і ў мінулым годзе. Першы заезд нашых танкістаў адбудзецца ўжо ў нядзелю, разам з камандамі з Сірыі і Таджыкістана.
Танкісты з Беларусі традыцыйна займаюць высокія месцы на "танкавым біятлоне". Год таму беларусы ўвайшлі ў чацвёрку лепшых.
Беларусь у гэтым годзе прыме адзін з этапаў армейскіх гульняў — "снайперскі рубеж". Ён адбудзецца на палігоне пад Брэстам.
