Расія дапаможа Беларусі з парадкам на Еўрапейскіх гульнях

© Sputnik / Виктор ТолочкоКіраўнікі МУС Беларусі і Расіі Ігар Шуневіч і Уладзімір Калакольцаў
Кіраўнікі МУС Беларусі і Расіі Ігар Шуневіч і Уладзімір Калакольцаў - Sputnik Беларусь
Падпісацца
Спартыўныя фанаты і заўзятары часам прыносяць нязручнасці, аднак праваахоўнікі працягваюць працаваць над умацаваннем правапарадку.

НАВАПОЛАЦК, 18 вер — Sputnik. Расія і некаторыя іншыя дзяржавы дэлегуюць Беларусі супрацоўнікаў для забеспячэння правапарадку ў ходзе II Еўрапейскіх гульняў, паведаміў журналістам кіраўнік МУС рэспублікі Ігар Шуневіч.

Стадыён Дынама ў дзень адкрыцця - Sputnik Беларусь
Квіткі на Еўрапейскія гульні-2019 паступяць у продаж з 1 снежня

Міністр распавёў пра тое, што на аб'яднанай калегіі ў аўторак ведамствы Беларусі і Расіі прынялі шэраг кіраўнічых і прававых рашэнняў, накіраваных на ўмацаванне правапарадку падчас спартыўных мерапрыемстваў.

"Натуральна, расійскія калегі дэлегуюць нам сваіх супрацоўнікаў (на Еўрапейскія гульні — Sputnik), роўна як і некаторыя іншыя краіны. Гэта павысіць эфектыўнасць і ў прэвенцыі, і будзе дапамагаць заўзятарам больш бяспечна і свабодна сябе адчуваць", — сказаў Шуневіч.

Міністр прызнаў, што спартыўныя фанаты і заўзятары часам прыносяць "пэўныя нязручнасці" і здзяйсняюць правапарушэнні. Праваахоўныя органы Беларусі і Расіі прынялі шэраг кіраўнічых і прававых рашэнняў, якія неўзабаве будуць рэалізаваныя. Усе яны накіраваны на ўмацаванне правапарадку.

Тэма забеспячэння правапарадку на міжнародных спартыўных мерапрыемствах была адной з ключавых на аб'яднанай калегіі Саюзнай дзяржавы, якая прайшла ў аўторак. Дэлегацыі абедзвюх краін у Наваполацку узначальвалі міністры ўнутраных спраў — Ігар Шуневіч і Уладзімір Калакольцаў.

Беларусь прыме II Еўрапейскія гульні ў чэрвені наступнага года. Удзел у маштабным спартыўным мерапрыемстве прымуць больш за чатыры тысячы атлетаў.

Стужка навiн
0