02:47 15 снежня 2019
«Радыё Sputnik»
  • USD2.10
  • EUR2.35
  • 100 RUB3.36
Стралковая зброя беларускага ваенпрама

Беларусь і ААЭ будуць разам распрацоўваць зброю

© Sputnik / Виктор Толочко
Бяспека
Атрымаць кароткую спасылку
1210

На думку кіраўніка Дзяржкамваенпрама, гэтая сфера з'яўляецца перспектыўнай і можа даць "добрую аддачу, у тым ліку фінансавую".

МІНСК, 13 вер - Sputnik. Беларусь пераходзіць у ваенна-тэхнічным супрацоўніцтве з ААЭ ад паставак тэхнікі да сумесных распрацоўках, заявіў у пятніцу журналістам кіраўнік Дзяржаўнага ваенна-прамысловага камітэта Раман Галоўчанка.

У пятніцу Мінск наведвае наследны прынц Абу-Дабі: раніцай ён ужо сустрэўся з прэзідэнтам Беларусі Аляксандрам Лукашэнкам. Сярод сфер, па якіх супрацоўнічаюць краіны - і ваенна-тэхнічная.

"Мы дыверсіфікуем. Пераходзім ад проста паставак да сумесных распрацовак і даследванняў. Гэта, сапраўды, вельмі перспектыўная галіна, якая дае нам добрую аддачу, у тым ліку фінансавую", - заявіў журналістам кіраўнік Дзяржкамваенпрама перад сустрэчай наследнага прынца з прэзідэнтам Беларусі.

Краіны супрацоўнічаюць у ваеннай сферы з 1994 года. Паводле ацэнак Галоўчанкі, супрацоўніцтва мае тэндэнцыю да пастаяннага росту.

"Цяпер мы завяршаем буйны кантракт, які даўно быў абвешчаны - гэта пастаўка партыі танкавых цягачоў, і вядзем перамовы аб нарошчванні (паставак - Sputnik) і заключэнні новага кантракту на гэтую ж тэхніку па выніках яе практычнай эксплуатацыі", - дадаў кіраўнік камітэта, яго словы прывяло агенцтва РІА "Новости".

Сярод новых напрамкаў супрацоўніцтва паміж краінамі Галоўчанка назваў радыёэлектронную барацьбу, радыёлакацыі, спецыяльнае праграмнае забеспячэнне.

Акрамя таго, адзначыў кіраўнік камітэта, праз ААЭ і разам з краінай Беларусь уваходзіць у іншыя краіны рэгіёну "не так хутка, як хацелася б, але, як той казаў, Усход любіць цярплівых".

Тэги:
зброя, ААЭ, Беларусь

Галоўныя тэмы