Белорусская АЭС - Sputnik Беларусь
БелАЭС
Беларускую атамную станцыю ў Астраўцы называюць "будоўляй стагоддзя". Хто падтрымлівае АЭС? Хто выступае супраць яе функцыянавання? Які ўплыў на эканоміку Беларусі акажа станцыя пасля фінальнага запуску? Апошнія навіны пра будаўніцтва БелАЭС - у матэрыялах Sputnik.

Вучэнні на выпадак аварыі на АЭС правядуць у Астраўцы

© Photo : МЧС БеларусиВерталёт Мі-8 МНС Беларусі
Верталёт Мі-8 МНС Беларусі - Sputnik Беларусь
Падпісацца
Дэманстрацыйнае вучэнне з задзейнічаннем сістэмы абвесткі арганізуе на БелАЭС МНС Беларусі. Для выезду з "брудных" зон у "чыстыя" прадугледзяць кантрольна-размеркавальныя пункты, а ў месцы часовага рассялення арганізуюць выдачу адзення і харчавання.

МІНСК, 10 кас - Sputnik. Вучэнні па рэагаванні на радыяцыйныя аварыі пройдуць у Астравецкім раёне, пра гэта паведамілі ў прэс-службе МНС у чацвер.

Вучэнні па грамадскай бяспецы - Sputnik Беларусь
"Аварыя на БелАЭС": у Літве пройдуць "Астравецкія вучэнні"

Дэманстрацыйнае вучэнне з задзейнічаннем сістэмы абвесткі ў Астравецкім раёне адбудзецца 11 кастрычніка. Мэта мерапрыемства - павысіць зладжанасць і аператыўнасць рэагавання пры ўзнікненні надзвычайнай сітуацыі.

"Персанал АЭС прадэманструе дзеянні па лакалізацыі і ліквідацыі аварый на рэактарным абсталяванні, эвакуацыю і сховішча ў ахоўных збудаваннях, функцыянаванне крызіснага цэнтра і інфармацыйнае ўзаемадзеянне", - удакладнілі ў МНС.

Адзначаецца таксама, што на выездзе з вёскі Баброўнікі для рэгістрацыі грамадзян і выдачы пасведчанняў арганізуюць зборны эвакуацыйны пункт. А ў медпункце забяспечаць сродкамі абароны і правядуць ёдавую прафілактыку.

"Для выезду з "брудных" зон у "чыстыя" прадугледжаны кантрольна-размеркавальныя пункты (...). У пункце часовага рассялення на базе мясцовай гімназіі будзе арганізавана выдача адзення, вырашаны пытанні харчавання, аказання медыцынскай і псіхалагічнай дапамогі", - дадалі ў прэс-службе.

У МНС падкрэслілі, што праводзячы вучэнні, Беларусь дзейнічае ў строгай адпаведнасці з рэкамендацыямі Міжнароднага агенцтва па атамнай энергіі, зыходзячы з таго, што безумоўным прыярытэтам пры рэалізацыі нацыянальнай ядзернай энергетычнай праграмы з'яўляецца бяспека.

Стужка навiн
0