21:33 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Беларускія ваенныя з інспекцыяй наведваюць Данію

Беларускія ваенныя з інспекцыяй наведваюць Данію

© Sputnik / Михаил Мокрушин
Бяспека
Атрымаць кароткую спасылку
5 0 0

Беларуская інспекцыя праверыць, ці адпавядае рэальная колькасць узбраенняў і тэхнікі заяўленым і прадугледжаным Дагаворам аб звычайных узброеных сілах у Еўропе.

МІНСК, 11 ліс - Sputnik. Інспекцыйная група Беларусі выехала з праверачнай місіяй у Данію. Візіт будзе доўжыцца з 11 па 15 лістапада, ён арганізаваны ў рамках Дагавора аб звычайных узброеных сілах у Еўропе.

Беларускім вайскоўцам трэба будзе ацаніць выкананне Даніяй нормаў Дамовы ў частцы ўзбраенняў і ваеннай тэхнікі, што абмяжоўваюцца ДЗУСЕ.

"Мэта інспекцыі - праверка адпаведнасць наяўнасці на інспектуемых аб'ектах кантролю ўзбраенняў і ваеннай тэхнікі, што абмяжоўваюцца ДЗУСЕ, іх заяўленай колькасці", - растлумачылі ў Міністэрстве абароны Беларусі.

Дагавор аб звычайных узброеных сілах у Еўропе (ДЗУСЕ) быў падпісаны ў 1990 годзе ў Парыжы прадстаўнікамі 16 дзяржаў-членаў НАТА і 6 дзяржаў-удзельніц Арганізацыі Варшаўскай дамовы, у тым ліку і СССР. Дагавор усталёўваў раўнавагу звычайных узброеных сіл дзяржаў-удзельніц двух ваенна-палітычных саюзаў на паніжаным узроўні.

Пасля распаду блока Варшаўскай дамовы ў 1999 годзе на саміце АБСЕ ў Стамбуле быў падпісаны абноўлены варыянт дакумента, які прадугледжваў пераход ад блокавай структуры ДЗУСЕ да нацыянальных і тэрытарыяльных ўзроўняў узбраенняў і тэхнікі для кожнай дзяржавы-ўдзельніцы. Пагадненне аб адаптацыі ДЗУСЕ было ратыфікавана толькі Беларуссю, Казахстанам, Расіяй і Украінай, але не было зацверджана парламентамі ніводнай з краін НАТА і ў выніку так і не ўступіла ў сілу.

Беларусь, у свой час выконваючы абавязацельствы па ДЗУСЕ, знішчыла 1773 баявыя танкі, 1341 баявую браніраваную машыну і 130 баявых самалётаў, што склала больш за 10% узбраенняў і ваеннай тэхнікі, ліквідаваных усімі трыццаццю краінамі - удзельніцамі Дагавора.

Тэги:
войска, Беларусь, Данія

Галоўныя тэмы