22:11 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Прэзідэнт Украіны Уладзімір Зяленскі

Зяленскі адмовіўся ад дапамогі Беларусі па ахове мяжы ў Данбасе

© REUTERS / GLEB GARANICH
Бяспека
Атрымаць кароткую спасылку
710

Аляксандр Лукашэнка неаднаразова прапаноўваў размясціць беларускіх міратворцаў у Данбасе, каб садзейнічаць мірнаму ўрэгуляванню ў рэгіёне.

МІНСК, 21 ліс - Sputnik. Кіеву не спатрэбіцца дапамога іншых краін, у прыватнасці, Беларусі, для аднаўлення кантролю над мяжой з Расіяй у Данбасе, пра гэта заявіў прэзідэнт Украіны Уладзімір Зяленскі.

Ён адзначыў, што Украіна - незалежная дзяржава, якая справіцца сваімі сіламі.

Зяленскі таксама нагадаў словы беларускага прэзідэнта: "Аляксандр Рыгоравіч Лукашэнка сказаў: калі вам потым (пасля вяртання часткі Данбаса пад кантроль Кіева - Sputnik) будзе патрэбна дапамога з нагоды колькасці памежнікаў на мяжы Украіны і Расіі, калі вам трэба будзе браць пад кантроль нашу мяжу, калі ласка, звяртайцеся, мы абавязкова дапаможам".

"Гэты тэзіс быў, я ведаю, што ён гучаў не ўпершыню, я ўжо яму падзякаваў, але я ж думаю, што мы незалежная краіна, у нас хопіць сваіх памежнікаў", - сказаў украінскі лідар на выступе ў Ачакава, трансляцыю якога вёў тэлеканал "Новы час".

Раней ініцыятыву Аляксандра Лукашэнкі адхіліў і кіраўнік ДНР Дзяніс Пушылін, які заявіў, што "рэспубліка не мае патрэбы ў міратворчых сілах з Беларусі для забеспячэння парадку на сваёй тэрыторыі і на сваіх межах". Пушылін пры гэтым адзначыў, што Мінск робіць каштоўны і больш чым дастатковы ўклад у пытанне мірнага ўрэгулявання, калі становіцца пляцоўкай для сустрэч кантактнай групы па ўрэгуляванні канфлікту ў Данбасе.

Прапановы і рэакцыя

Кіраўнік Беларусі Аляксандр Лукашэнка неаднаразова прапаноўваў увесці беларускія міратворчыя сілы ў Данбас і ўзяць пад кантроль участак украінска-расійскай мяжы, аднак акцэнтаваў, што для гэтага неабходна згода бакоў.

Кіраўнік МЗС Украіны Вадзім Прыстайка заявіў, што ў выпадку, калі канфлікт у Данбасе не атрымаецца вырашыць на аснове мінскіх пагадненняў, адным з крокаў Кіева па ўрэгуляванні сітуацыі будзе размяшчэнне ў рэгіёне міратворчай місіі ААН.

Прэс-сакратар прэзідэнта Расіі Дзмітрый Пяскоў заявіў, што ў тэксце мінскіх пагадненняў і планах дзеяння пункта аб міратворцах няма, і яго павінны вырашаць ўдзельнікі канфлікту.

Канфлікт на Данбасе

ЛНР (Луганская народная рэспубліка) і ДНР (Днецкая народная рэспубліка) заявілі аб незалежнасці ў лютым 2014 года. Ваенная аперацыя ўладамі Украіны супраць самаабвешчаных рэспублік пачалася ў красавіку таго ж года.

Пытанне ўрэгулявання сітуацыі ў Данбасе абмяркоўваецца, у тым ліку ў ходзе сустрэч у Мінску кантактнай групы, якая з верасня 2014 года ўзяла ўжо тры дакументы, якія рэгламентуюць крокі па дээскалацыі канфлікту. Аднак і пасля пагадненняў аб перамір'і паміж бакамі канфлікту працягваюцца перастрэлкі.

Па апошніх дадзеных ААН, ахвярамі канфлікту сталі каля 13 тысяч чалавек.

Тэги:
Беларусь, Украіна, Аляксандр Лукашанец, Уладзімір Зяленскі

Галоўныя тэмы