Лукашэнка павіншаваў беларусаў з Днём абаронцаў Айчыны

© Sputnik / Антон КлимкоВаенны парад і шэсце войскаў па цэнтры Гродна
Ваенны парад і шэсце войскаў па цэнтры Гродна - Sputnik Беларусь
Падпісацца
Прэзідэнт падкрэсліў, што беларускія вайскоўцы сёння ўвасабляюць сабой моц і сілу ўсяго народа і нашай суверэннай дзяржавы.

МІНСК, 22 лют - Sputnik. Прэзідэнт Беларусі Аляксандр Лукашэнка павіншаваў ваеннаслужачых і ўсіх суграмадзян з Днём абаронцаў Айчыны і днём Узброеных сіл Беларусі, паведамілі ў прэс-службе кіраўніка дзяржавы.

Мірнага неба: Мікалай Казека павіншаваў беларусаў са святам - Sputnik Беларусь
Відэа
Мірнага неба: Мікалай Казека павіншаваў беларусаў з Днём абаронцаў Айчыны

Прэзідэнт падкрэсліў, што, прытрымліваючыся прынцыпаў адданасці Радзіме, вернасці прысязе і гатоўнасці абараняць інтарэсы краіны, беларускія ваенныя ўвасабляюць сабой моц і сілу ўсяго народа і нашай суверэннай дзяржавы.

"У год 75-годдзя Вялікай Перамогі мы шануем памяць афіцэраў і салдат, якія аддалі жыццё ў імя будучыні свайго народа. Схіляю галаву перад тымі, хто загінуў у баі, выконваючы інтэрнацыянальны абавязак. Захапляюся доблесцю і адвагай ўсіх, хто ўставаў на абарону міру са зброяй у руках і хто сёння ва ўмовах новых глабальных пагроз бярэ на сябе адказнасць за спакой і парадак на роднай зямлі", - гаворыцца ў віншаванні.

Лукашэнка перакананы, што подзвіг ветэранаў Вялікай Айчыннай вайны, мужнасць і гераізм воінаў-інтэрнацыяналістаў, а таксама імкненне дзеючых ваеннаслужачых працягнуць традыцыі старэйшых пакаленняў становяцца годным арыенцірам і прыкладам сапраўднага патрыятызму для беларускай моладзі.

Прэзідэнт пажадаў усім салдатам, сяржантам, прапаршчыкам і афіцэрам моцнага здароўя, прафесійных поспехаў і мірнай службы.

Стужка навiн
0