Украіна ўзмацніла ахову мяжы з Беларуссю з-за хваляванняў

© Sputnik / Павел Паламарчук / Перайсці ў медыябанкДарожны знак, які пазначае тэрыторыю Украінскай дзяржавы
Дарожны знак, які пазначае тэрыторыю Украінскай дзяржавы - Sputnik Беларусь
Падпісацца
Паведамляецца, што цяпер сітуацыя на ўкраіна-беларускай мяжы спакойная, ніякай вялікай колькасці ваеннай тэхнікі не назіраецца.

МІНСК, 21 жні - Sputnik. Украінскія ўлады з пачаткам хваляванняў у Беларусі прынялі рашэнне аб узмацненні аховы гэтага ўчастка мяжы. Пра гэта паведаміў спікер Дзяржаўнай памежнай службы Украіны Андрэй Дземчанка.

Затрыманні на трэці дзень пратэстаў у Мінску - Sputnik Беларусь
Трое грамадзян Украіны затрыманыя ў Беларусі падчас пратэстаў - Зяленскі

"На дадзены момант мяжу з Беларуссю мы ахоўваем ва ўзмоцненым варыянце, бо сітуацыя ў гэтай краіне дастаткова неспакойная (...). Калі пачалася эскалацыя сітуацыі ў Беларусі, то мы і перайшлі на ўзмоцнены рэжым. Для аховы гэтага ўчастка задзейнічаны дадатковыя рэсурсы і сілы", - распавёў Дземчанка ў гутарцы з "РБК-Украіна".

Ён запэўніў таксама, што ва ўкраінскага боку дастаткова сіл і сродкаў, каб не дапусціць якіх-небудзь правакацый на мяжы. У цяперашні час усе сем пунктаў пропуску працуюць у звычайным рэжыме, а сярэднясутачны пасажырапаток дасягае прыкладна чатыры тысячы чалавек.

Дземчанка адзначыў таксама, што, нягледзячы на цяперашнюю сітуацыю ў Беларусі, працягваецца пачатая ў сярэдзіне ліпеня сумесная аперацыя беларускіх і ўкраінскіх памежнікаў "Зубр-2020", яна праводзіцца кожны год з мэтай выяўлення фактаў супрацьпраўнай дзейнасці на ўчастку.

Выданне са спасылкай на крыніцу ў сілавых структурах паведамляе таксама, што цяпер сітуацыя на ўкраіна-беларускай мяжы спакойная, ніякай вялікай колькасці ваеннай тэхнікі не назіраецца.

Стужка навiн
0