МІНСК, 29 сне – Sputnik. Пасол Расіі ў Беларусі Дзмітрый Мезенцаў назваў масавую вакцынацыю ад COVID-19 у Беларусі асаблівай падзеяй не толькі ў сістэме адносін Міністэрстваў аховы здароўя Расіі і Беларусі, але ў сістэме адносін дзвюх краін у цэлым.
"Тыя абавязацельствы, якія на сябе першапачаткова ініцыятыўна ўзяла Расійская Федэрацыя, яны пацверджаныя і выконваюцца. Сёння пачынаецца масавая вакцынацыя грамадзян Беларусі, гэта першая краіна, дзе пачынаецца масавая вакцынацыя следам за Расійскай Федэрацыяй", – адзначыў пасол Расіі ў Беларусі Дзмітрый Мезенцаў.
Пасол падзякаваў урачам Беларусі - эпідэміёлагам і інфекцыяністам, якія арганізавалі апрабацыю "зноў жа ўпершыню на тэрыторыі краіны".
"Тая добразычлівая, вельмі зацікаўленая і вельмі прафесійная ацэнка, якая была дадзена (што вакцына высокай ступені гарантыі, высокай эфектыўнасці), яна таксама стала падставай да таго, каб менавіта ў Рэспубліцы Беларусь вакцына была зарэгістраваная першай у сістэме Міністэрства аховы здароўя нашай брацкай суседкі", – адзначыў Мезенцаў.
Напярэдадні новага года пасол пажадаў усім здароўя і выказаў надзею, што тыя, хто атрымаюць вакцыну ў бліжэйшыя месяцы, будуць "перадаваць з вуснаў у вусны, што адчуваюць сябе добра і ў іх няма боязі, што гэты COVID, які пастукаўся ў нашы хаты без запрашэння, нейкім чынам будзе пагражаць і ствараць непатрэбныя настрой, трывогі і страхі ў грамадстве ".
Масавая вакцынацыя ў Беларусі
Усяго ў рамках вакцынацыі плануюць прышчапіць больш за 5,5 мільёнаў беларусаў.
Чытайце таксама:
- Вакцынацыя расійскім прэпаратам "Спутник V" пачынаецца ў Беларусі
- Першымі беларусамі, якія атрымалі вакцыну ад COVID-19, сталі медыкі
- "Застой у рознай ступені": эканаміст ацаніў заняпад розных краін з-за COVID
