Прамвытворчасць за першы квартал скарацілася на 7,3 %

© Sputnik / Егор Еремов / Перайсці ў медыябанкМінскі аўтамабільны завод
Мінскі аўтамабільны завод - Sputnik Беларусь
Падпісацца
Горш за ўсё справы ідуць у машынабудаванні і тэкстыльнай вытворчасці, прырост паказалі толькі нафтаперапрацоўка і хімічная прамысловасць.

МІНСК, 17 кра — Sputnik. У Беларусі ў студзені-сакавіку 2015 года абъём вытворчасці прамысловай прадукцыі склаў у бягучых цэнах 172,6 трлн рублёў і скараціўся ў параўнанні з тым жа перыядам 2014 года на 7,3%, гаворыцца ў справаздачы Нацыянальнага статыстычнага камітэта рэспублікі.

На Беларусі з пачатку года назіраецца адмоўная дынаміка работы прамысловасці. Так, за студзень прамвытворчасць скарацілася на 6,2%, за студзень-люты — на 5,7%. Па выніках 2014 года адзначаўся слабы рост — на 1,9%.

Станоўчая дынаміка адзначалася толькі ў нафтаперапрацоўцы — на 2,9%, і ў хімічнай прамысловасці (уключаючы фармацэўтычную галіну) —  на 6,6%. У астатніх галінах назіраўся спад абъёмаў вытворчасці.

Так, найбольшую адмоўную дынаміку паказалі такія галіны прамысловасці, як вытворчасць машын і абсталявання (спад на 26,4%), цэлюлозна-папяровая прамысловасць (на 21,9% менш), тэкстыльная і швейная вытворчасць (на 20% менш). У металургіі абъём вытворчасці скараціўся на 13,9%, у транспартным машынабудаванні —  на 19,1%.

Як паведамлялася раней, у студзені і сакавіку многія структураўтваральныя прадпрыемствы прамысловасці ў рэспубліцы прыпынілі працу. У студзені беларускія машынабудаўнічыя заводы не працавалі палову месяца ў сувязі з навагоднімі і каляднымі канікуламі ў Расіі, якая з'яўляецца іх асноўным рынкам збыту. У сакавіку многія прадпрыемствы таксама прыпынялі вытворчасць — на гэты раз з-за праблем са збытам.

Стужка навiн
0