МІНСК, 15 чэр — Sputnik. Вядомы амерыканскі вытворца зброі Colt Defense LLC збіраецца абвясціць аб банкруцтве, паведамляе ў панядзелак выданне The Wall Street Journal.
Кампанія дамовілася са сваімі інвестарамі, каб яны працягнулі фінансаванне Colt ў перыяд, пакуль яна будзе знаходзіцца ў стане банкруцтва.
Па дадзеных выдання, Colt плануе палепшыць фінансавае становішча і скараціць аб'ём запазычанасці (355 мільёнаў даляраў), арганізаваўшы аўкцыён па продажы асобных актываў кампаніі.
Праблемы ў кампаніі пачаліся пасля таго, як у 2013 годзе яна страціла свой галоўны кантракт на пастаўку ў войска ЗША аўтаматычных вінтовак М4. Пасля гэтага фінансавы стан Colt рэзка пагоршыўся, і яе кіраўніцтву прыйшлося перагледзець фінансавыя прагнозы на наступны год.
Патэнт на "барабанны пісталет", які дазваляў рабіць шэсць стрэлаў без перазарадкі зброі, заснавальнік кампаніі Сэмюэл Кольт атрымаў ў 1836 годзе. Кампанія Colt's Manufacturing Company была заснавана ў 1855 годзе.
