Прэм'ер-міністр Беларусі назваў кошт расійскага газу

МІНСК, 31 акт — Sputnik. Кошт расійскага газу для Беларусі пакуль не зменіцца і будзе роўны 132 далярам за тысячу кубаметраў, заявіў прэм'ер-міністр рэспублікі Андрэй Кабякоў у інтэрв'ю тэлеканалу "Мір".

© Sputnik Людмила Янковская

Кабякоў патлумачыў, адкуль бяруцца "беларускія крэветкі"

Беларусь сёлета недаплачвала Расіі за пастаўлены газ, лічачы кантрактную цану несправядлівай. Напачатку кастрычніка пасля амаль гадавой спрэчкі пра цану на газ бакі абвясцілі пра дасягненне кампрамісу па гэтым пытанні. У выніку сума недаплачвання Мінска за расійскі газ склала 281 мільён даляраў.

"Аднак мы павінны рухацца да канкурэнтнага рынку, у якім у рамках эканамічнага звязу не можа быць дыскрымінацыі тавараў", — сказаў Кабякоў і растлумачыў, што ў 2019 годзе краіны павінны выйсці на адзіны рынак электраэнергіі, а ў 2025 годзе — на адзіны рынак нафты і газу.

Прэм'ер мяркуе, што "павінны быць не адзіныя тарыфы, а адзіны рынак энергіі".

"Тарыфы могуць быць рознымі, але іх фармаванне павінна быць канкурэнтным. Мы з Расіяй вырашылі стаць лакаматывам стварэння адзінага рынку энергіі да 2019 года. Гэта будзе вялікая хатняя праца, як для Расіі, так і для Беларусі", — падкрэсліў Кабякоў.

Выказаўся прэм'ер і пра тое, як ён разумее прычыны адбытага: пакупнік заўсёды імкнецца купіць танней, а прадаўнік — прадаць даражэй. Разважаючы пра канфлікты і "іскры" ў беларуска-расійскіх адносінах, Кабякоў запэўніў, што ўсе падобныя праблемы ліквідуюцца "часам па-партнёрску, а часам — па-братэрску", бо ёсць "воля абодвух прэзідэнтаў".