МІНСК, 9 сне — Sputnik. Афіцыйна зарэгістраваныя беспрацоўныя, якія атрымалі працу ў іншым населеным пункце, могуць атрымаць ад дзяржавы грашовую дапамогу і пераехаць на новае месца жыхарства разам з сем'ямі.
Такія нормы замацаваны ў "Інструкцыі аб парадку і ўмовах аказання садзейнічання ў перасяленні беспрацоўных і членаў іх сем'яў у сувязі з пераездам у іншую мясцовасць на новае месца жыхарства і работы з выплатай грашовых сродкаў", якая зацверджана пастановай Міністэрства працы і сацыяльнай абароны Беларусі №62 ад 19 кастрычніка 2016 года. Дакумент у пятніцу апублікаваны на Нацыянальным прававым інтэрнэт-партале і ўступіў у сілу.
Згодна Інструкцыі, перасяленне беспрацоўных і членаў іх сем'яў на новае месца жыхарства і работы праводзiцца ў выпадку прадастаўлення беспрацоўным работы ў іншай мясцовасці ў мэтах садзейнічання іх занятасці. Рашэнне аб пераездзе з'яўляецца добраахвотным.
Пры гэтым вызначана, што права на аказанне садзейнічання ў перасяленні маюць беспрацоўныя.
Паўналетнія члены сям'і беспрацоўнага перасяляюцца толькі з іх пісьмовай згоды. Беспрацоўныя, якія не дасягнулі 18 гадоў, перасяляюцца толькі з пісьмовай згоды бацькоў, усынавiцеляў або папячыцеляў, за выключэннем выпадкаў аб'явы непаўналетняга цалкам дзеяздольным.
Калі наймальнік пагадзіўся ўзяць беспрацоўнага па прадстаўленню органа па працы і занятасці на працу, дагавор аб перасяленні складаецца ў органах па працы і занятасці па месцы рэгістрацыі беспрацоўнага на працягу 5 дзён.
Затым беспрацоўнаму орган па працы і занятасці па месцы знаходжання новага месца працы выплачвае грашовую дапамогу. Яе памер складае сем бюджэтаў пражытачнага мінімуму.
Акрамя таго, калі беспрацоўныя перасяляюцца з вялікіх гарадоў у малыя і сярэднія гарадскія паселішчы або з'язджаюць працаваць у вёску ці гарады-спадарожнікі, яны маюць права на выплату яшчэ двух бюджэтаў пражытковага мінімуму.
