06:10 18 снежня 2017
«Радыё Sputnik»
Чыжоўка-арэна

"Чыжоўка-Арэну" перададуць ва ўласнасць Мінспорту і турызму

© Sputnik/ Виктор Толочко
Эканоміка
Атрымаць кароткую спасылку
5 0 0

Амаль усім работнікам комплексу павысяць заработную плату ў сярэднім на 75%.

МІНСК, 2 сне — Sputnik. Шматфункцыянальны спартыўна-забаўляльны комплекс "Чыжоўка-Арэна" перададуць з камунальнай уласнасці Мінска ва ўласнасць Міністэрства спорту і турызму, адпаведную пастанову апублікаваў Нацыянальны прававы інтэрнэт-партал.

Комплекс павінен перайсці ва ўласнасць дзяржавы да 1 сакавіка 2018 года, балансавы кошт "Чыжоўка-Арэны" ацанілі ў 170 947,88 тыс. рублёў. У будучыні комплекс будзе падпарадкоўвацца Міністэрству спорту і турызму. Мінгарвыканкам абавязалі сумесна з Міністэрствам фінансаў перадаць сродкі, выдзеленыя на ўтрыманне комплексу, Міністэрству спорту.

Пастанова таксама прадугледжвае павышэнне тарыфных ставак супрацоўнікам комплексу ў сярэднім на 75%, вызначэннем заробкаў у будучыні будзе займацца наймальнік. Павышэнне тарыфнай стаўкі не закране супрацоўнікаў кропак грамадскага харчавання.

"Чыжоўка-Арэна" была адкрыта ў 2014 годзе, тады ж яна прыняла Чэмпіянат свету па хакеі. Чакалася, што комплекс здолее выйсці на самаакупнасць да 2018 года. У 2019 годзе ў Мінску на некалькіх пляцоўках, у тым ліку, "Чыжоўка-Арэне", пройдуць II Еўрапейскія гульні.     

Тэги:
"Чыжоўка-Арэна", Міністэрства спорту і турызму РБ, Мінгарвыканкам, Мінск, Беларусь
Правілы карыстанняКаментары

Галоўныя тэмы