23:09 17 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Уборка збожжа каля вёскі Круцілавічы Дзятлаўскага раёна

Масавую ўборку збожжавых пачалі ў Беларусі

© Sputnik / Егор Еремов
Эканоміка
Атрымаць кароткую спасылку
15 0 0

Па апошніх дадзеных, збожжавыя ўжо сабраны з 5,9% запланаваных плошчаў.

МІНСК, 16 ліп — Sputnik. Масавая ўборка збожжавых культур пачалася ў Беларусі раней леташніх тэрмінаў, паведамілі ў панядзелак у Мінсельгасхарчы рэспублікі.

Надвор'е ў гэтым годзе ўнесла свае карэктывы ў графікі ўборачнай кампаніі ў Беларусі. Так, калі ў мінулым годзе збожжавыя масава пачыналі ўбіраць са жніўня, то ў 2018-м у асноўную фазу кампанія ўваходзіць з сярэдзіны ліпеня.

Па дадзеных на 16 ліпеня, у рэспубліцы ўжо сабралі ўраджай збожжавых і зернебабовых з 5,9% запланаваных плошчаў — амаль 125 тысяч гектараў.

Хутчэй за ўсё ўборка ідзе ў Брэсцкай вобласці, за ёй ідуць Гродзенская, Гомельская і Мінская. Толькі прыступаюць да ўборцы ў Магілёўскай вобласці. На Віцебшчыне, як і заўсёды, уборка пачнецца крыху пазней.

Усяго, па дадзеных на сярэдзіну ліпеня, у Беларусі намалочана больш 333 тысяч тон збожжа. Сярэдняя ўраджайнасць пакуль крыху ніжэй леташняй — 26,8 цэнтнера з гектара, аднак гэты паказчык можа вырасці і параўнацца са значэннямі папярэдніх гадоў.

Тэги:
Сельская гаспадарка, Ураджай, Беларусь
Правілы карыстанняКаментары

Галоўныя тэмы