09:32 13 лістапада 2018
«Радыё Sputnik»
  • USD2.14
  • EUR2.42
  • 100 RUB3.17
Уборка збожжа ў Брэсцкай вобласці, архіўнае фота

Ураджай збожжавых у 2018-м на 2 мільёны тон ніжэй за леташні

© Sputnik / Виктор Толочко
Эканоміка
Атрымаць кароткую спасылку
2010

Масавая ўборка збожжавых у Беларусі амаль завершана: у Брэсцкай і Мінскай абласцях убрана ўжо па 98,8% пасяўных плошчаў.

МІНСК, 23 жні — Sputnik. У Беларусі завяршаецца масавая ўборка збожжавых, сведчаць дадзеныя на сайце Міністэрства сельскай гаспадаркі і харчавання рэспублікі.

Паводле аператыўных дадзеных Мінсельгасхарча на 23 жніўня, збожжавыя і зернебабовыя культуры ўжо ўбраны на 96,4% — аграрыі паспелі апрацаваць плошчу ў 1,94 мільёна гектар.

Сумарна па Беларусі ў цяперашні час намалочана больш за 5,1 мільёна тон збожжа. З-за засухі, якая назіралася ў рэспубліцы вясной і на пачатку лета, ураджай у гэтым годзе будзе адчувальна ніжэй за леташні: у аналагічны перыяд мінулага года гэты паказчык перавышаў 7 мільёнаў тон. Сярэдняя ўраджайнасць склала 26,4 ц/га (супраць 35,7 ц/га ў мінулым годзе).

Уборачная кампанія амаль завершана ў Брэсцкай і Мінскай абласцях: там сабрана па 98,8% пасяўных плошчаў. У тройцы лідараў таксама Гродзенская вобласць: праца скончана на 98,3%.

У Магілёўскай, Гомельскай і Віцебскай вобласці ўборачная завершана на 96,3%, 95,3% і 89,8% адпаведна.

Тэги:
Міністэрства сельскай гаспадаркі РБ, Беларусь
Правілы карыстанняКаментары

Галоўныя тэмы