15:03 26 чэрвеня 2019
«Радыё Sputnik»
  • USD2.04
  • EUR2.32
  • 100 RUB3.24
Выстава CES-2019

Два рэзідэнты ПВТ сталі самымі інавацыйнымі ў свеце на выставе CES 2019

© REUTERS / STEVE MARCUS
Эканоміка
Атрымаць кароткую спасылку
910

На пляцоўцы ў Лас-Вегасе ўпершыню дэманстраваліся прадукты, якія затым змянілі свет: ад відэамагнітафонаў і камер да гульнявых прыставак і CD.

МІНСК, 10 сту - Sputnik. Беларускія стартапы Teslasuit і Flo сталі лаўрэатамі Innovation Awards ад арганізатараў найбуйнейшай тэхналагічнай выставы CES у Лас-Вегасе, паведамілі Sputnik у парку высокіх тэхналогій.

Не блытаць Тэсла і Tesla

Разумны касцюм Teslasuit перамог у катэгорыі віртуальнай і дапоўненай рэальнасці. Дырэктар па маркетынгу кампаніі-распрацоўніка Дзяніс Дыбскі распавёў, што дзякуючы касцюму карыстальнік у літаральным сэнсе адчувае, што адбываецца ўнутры гульнявога свету.

"Пераменны электрычны ток вынайшаў Нікола Тэсла. А наш касцюм у якасці сістэмы зваротнай сувязі выкарыстоўвае як раз электрычны ток", - адказаў на пытанне ў падабенстве назвы са стварэннем Ілона Маска прадстаўнік распрацоўніка.

У кампаніі спадзяюцца, што гарнітур будзе выкарыстоўвацца не толькі ў забаўляльных мэтах, але і ў навуковых. Напрыклад, для праверкі гіпотэз і тэорый.

Flo гэта вам не Flow

Сэрвіс маніторынгу жаночага здароўя Flo выйграў у намінацыі "Праграмнае забеспячэнне і мабільныя прылажэнні".

"Мы вельмі шчаслівыя і рады атрымаць такое прызнанне. CES - адно з самых яркіх прафесійных мерапрыемстваў, якое аб'ядноўвае лепшыя розумы і ідэі тэхналагічнай індустрыі", - адзначыў генеральны дырэктар Flo Дзмітрый Гурскі.

У маі мінулага года расійская супермадэль Наталля Вадзянава, якая з'яўляецца адным з інвестараў праекта Flo, пахваліла беларускіх айцішнікаў.

"Тэма жаночага здароўя мне блізкая. У мяне пяцёра дзяцей. Апошняя цяжарнасць была цяжкай, для мяне гэта паслужыла сігналам, каб падтрымаць гэты праект. Добра, што гэта хлопцы з Беларусі, што я магу падтрымаць стартап. Прадукт надзвычайны, дазваляе даведацца шмат новага пра жаночае здароўе", - распавяла Вадзянава.

Ацэнка прыкладання Flo ў Google Play складае 4,9 бала. Папулярна яно ў ЗША, Канадзе, Германіі і іншых краінах.

Тэги:
ПВТ, Камп'ютарныя і інфармацыйныя тэхналогіі

Галоўныя тэмы